1 Pièr

1 Amoin Pièr lapot Jézu Kris, mi ékri pou bann domoun k’i abit la jus pou in tan, fané dann lo Pon, la Galasi, la Kapados, Lasi é la Bitini, azot ké la été choisi 6 Pou so rézon la, zot lé dan in gran kontantman, mèm si pou ankor inn ti pé d’tan, zot i doi pas dann chagrin akoz diféran zéprèv, 13 Sé pousa ansèrv zot kapasité pou aji ; kontinié rès bien rézonab ; mèt zot lèspérans dan lo favèr Bondié ké nou mérit pa, ké zot nora gras la révélasion Jézu Kris. 14 Kom bann zanfan i obéi, lès pu bann zanvi ké zot lavé avan, kan zot té koné pa rien, influans azot, 15 mé kom sak lé Sin la apèl azot, dévien sin dan tout zot manièr d’fé, 16 parske lé ékri : « Zot i doi èt sin, parske mi lé sin. » 22 Astèr ké zot lé prop parské zot la obéi la vérité – sé pou sa zot néna ant frèr é sèr in lamour ké lé pa ipokrit –, èm azot inn é lot for mèm, èk lo kèr.