Psom
23 Jéova lé mon Bèrjé. I mankra pa moin rien. 2 Li fé alonj amoin dan la plèn ousa zèrb i mank pa ; ousa dolo lé kalm, la mèm li amèn amoin pou ropozé. 3 Li rodone amoin la fors. Akoz son non, li gid amoin su bann santié la justis. 4 Mèm si mi march dann fon la ravine ousa i fé bien noir, na poin rien i pé fé pèr amoin, parské ou lé ansanm moin ; out bagèt pou gid amoin é out baton, i konsol amoin. 5 Dovan mon bann zènmi, ou prépar in tab pou moin. Pou mon bien, ou vèrs doluil dési mon tèt ; mon vèr lé bien ranpli. 6 Oui tank mi sra vivan, ou sra bon ansanm moin é ou va fé mont pou moin out lamour fidèl, é juska tank mi mor mi vé abit dan la kaz Jéova.