Révélasion

9 Aprésa, ma la vu, é agard ! in gran foul domoun ké na poin pèrsone té i gingn konté, bann domoun dann tout kalité nasion é tribu é pèp é lang. Banna té dobout dovan lo trone é dovan Lagno, abiyé avèk bann gran rob blan ; é zot lavé bann fèy palmié dan zot min. 10 É banna té arèt pa kriyé : « Nou lé sové gras nout Bondié, ké lé asiz su lo trone, é gras a Lagno. » 14 É toutsuit ma la répond ali : « Mon ségnèr, sé ou k’i koné sa. » É li la di amoin : « Sé zot k’i sort dan lo gran détrès, é zot la lav zot gran rob é la rand azot blan dan lo san Lagno. 16 Zot nora pu fin, é zot nora pu soif, é lo solèy va pu tap su zot, lo gro chalèr va pu fatig azot, 17 parské Lagno, ké lé dann milié lo trone, sra zot gardien troupo é li va gid azot koté bann sours dolo k’i done la vi. É Bondié va ésui tout bann larm dan zot zié. »