Provèrb

2 Ke lé pa out bouch, mé sak kèlkin dot, ki koz an bien su ou ; pa out lèv, mé sak dot moun. 6 Mèm si i fé mal, in kamarad k’i ropran anou i prouv li lé fidèl ; parkont, in lènmi i anbras in bonpé lé zot. 9 Doluil èk lansan i kontant lo kèr ; lé parèy pou in bon lamitié k’i nèt apré in konsèy i sort dann kèr. 11 Mon garson, aji èk sajès, é kontant mon kèr, pou ké mi gingn répond sak i provok amoin. 12 Lo moun prudan i oi lo danjé é li kachièt ali, mé lo moun na poin lèspèryans i avans kan mèm é li suport lo bann konsékans. 17 Kom lo fèr i lim lo fèr, lé parèy, in bonom i èd son kamarad pou fé progré.