Jan

14 Kan domoun la vu lo mirak ké li la fé, zot la di : « Ali mèm mèm, lo Profèt té doi vni dan lo monn. » 15 Aprésa, kom Jézu té koné ké banna té sa trap ali pou fé ali roi, li la parti dan la montagn, son tousèl. 28 Alor, banna la di ali : « Kosa nou doi fé pou fé lo travay Bondié i domand anou ? » 35 Jézu la di azot : « Amoin mèm dopin k’i done la vi. Sak i suiv amoin jamé son vant sra vid, é sak néna la foi an moin, jamé li nora soif. 38 parské ma la désand dépi lo sièl, pa pou fé mon volonté, mé pou fé lo volonté Sak la anvoy amoin. 40 Parské ala kosa mon Papa i vé : ké tout domoun k’i aksèp lo Garson é ké néna la foi an li, i gingn la vi pou toultan, é mi va résusit ali kan va ariv dann dèrnié jour. » 51 Amoin mèm dopin vivan k’i sort d’anlèr lo sièl. Si in moun i manj dopin la, li va viv pou toultan ; é vréman, dopin mi sava doné pou ké lo monn i viv, sé mon kor. » 60 Kan banna la antann sa, in bonpe son bann disip la di : « Bann parol la i chok vréman ! Kisa i pe ékout sa ? » 62 Donk, kosa va arivé si zot té i voi le Garson d’lom monté ousa li lété avansa ? 66 Akoz de sa, in bonpe son bann disip la parti vèr bann zafèr ke lété dèryèr é banna té i ve pu march èk li. 68 Simon Pièr la répond ali : « Ségnèr, avèk kisa ou vé nou sava ? Ou néna bann parol i done la vi pou toultan. 69 Nou té kroi é nou té koné ké ou lé lo Sin Bondié la anvoyé. »