Révélasion

7 É in gèr la pèt dann sièl : Michèl é son bann zanj la konbat lo dragon, é lo dragon é son bann zanj la konbat 8 mé banna lété pa pli for, é navé pu la plas pou zot dann sièl. 9 Donk, la jèt ali, lo gran dragon, lo sèrpan dann promié débu, sak i apèl Diab é Satan, k’i tronp lo monn an antié ; la jèt ali su la tèr, é la jèt son bann zanj avèk li. 10 É moin la antand in voi i koz for dann sièl k’i di : « Astèr, la délivrans, la puisans, lo Roiyom nout Bondié, é lotorité son Kris, tousa lé vnu vré, parské la jèt su la tèr sak té akuz nout bann frèr, sak lo jour kom la nuit té akuz banna dovan nout Bondié ! 12 Alor, lo sièl é sak i abit anndan, fé mont zot kontantman ! Mé malèr pou la tèr é la mèr, parské lo Diab la désand koté zot èk in gran kolèr, parské li koné i rès ali inn ti pé d’tan » 17 Alor lo dragon la rant an kolèr kont la fanm, é li la parti fé la gèr kont son désandans ké lé ankor la, é kont sak i ékout bann komandman Bondié, é ké néna la mision rand témoinyaj su Jézu.