Matié
4 Zot i prépar bann fardo bien lour é zot i mèt sa su zépol domoun, mé azot mèm zot i vé pa bouj dutou lo ti doi pou chanj sa. 5 Zot i rod pou fé romark azot par bann zom dann tout sak zot i fé. Par égzanp, zot i fé bann boit pli gran ousa néna bann pasaj la Bib ké zot i port pou protèj azot, é zot i ralonj bann franj su zot linj. 8 Mé zot, lès pa pèrsone kri azot Lamontrèr, parské zot néna in sèl Lamontrèr, é zot tout lé frèr. 9 An plis, apèl pa pèrsone papa su la tèr, parské zot néna in sèl Papa : Sak lé dann sièl. 10 Fé pa apèl azot chèf, parské zot néna in sèl Chèf : lo Kris. 11 Mé lo pli gran an parmi zot i doi èt zot sèrvitèr. 12 Sak i mèt ali anlèr i sra rabésé, é sak i rabès ali i va mèt ali anlèr. 23 « Malèr su zot, bann lamontrèr la Loi é bann Farizien ! Bann zipokrit ! Parské zot i done dis poursan la mant, lanèt èk kumin, mé zot la lès su koté bann zafèr pli inportan dan la Loi, sétadir la justis, la mizérikord é la fidélité. Té i falé done bann zafèr-la san lès su koté lé zot zafèr. 37 « Jéruzalèm, Jéruzalèm, aou la vil i tué bann profèt é i chaboul kou d’galé sak i vien ché ou ! Konbien d’foi moin la voulu ramèn out bann zanfan parèy kom in mèr-poul i ramèn son bann ti dosou son dé zèl ! Mé zot la pa voulu. 38 Agard ! Bondié va lès zot kaz a labandon.