Égzod

4 Moiz la tay dé tablèt an galé parèy lo bann promié, li la lèv gran matin é li la mont dan la montagn Sinai, kom Jéova lavé done ali lord, dan son min lavé lo dé tablèt. 5 Alor Jéova la désand dann nuaj é la plas ali tèrla avèk Moiz é la anons lo non Jéova. 6 Jéova té i pas dovan-li é té i di : « Jéova, Jéova, Bondié k’i fé mizérikord é néna in bonpé la pitié, k’i pran pa la kolèr vitman é néna in gran lamour fidèl é k’i di toultan la vérité ; 7 li fé mont lamour fidèl bann milié domoun é li pardone lérèr, kan i dézobéi é kan i pèch, mé jamé li ézit puni lo koupab, li va puni bann garson é bann ti zanfan, pou lo fot lo bann papa la komèt, parèy pou lo troizièm jénérasion é su lo katrièm jénérasion.