Révélasion

11 É moin la vu lo sièl rouvèr, é rogard ! in choval blan. É sak lé asiz dési i apèl Fidèl é Vérité, é li juj é li fé la gèr avèk justis. 12 Son zié lé kom in flam dofé é su son tèt néna bonpé diadèm. Néna in non lé ékri dési li, ké pèrsone i koné pa, sof li. 13 Li lé abiyè èk in linj taché avèk lo san. I apèl ali « La Parol Bondié ». 14 Bann zarmé dann sièl abiyé èk in linj an lin, fin, blan é pur, té i suiv ali su bann choval blan. 15 In gran lépé bien ropasé i sort dan son bouch pou korij bann nasion, é li va gid azot avèk in baton an fèr. An plis ké sa, sé li k’i kraz lo rézin dan lo présoir lo gran raj Bondié Toupuisan. 16 Su son linj, oui su son kuis, néna in non lé ékri : Roi bann roi é Ségnèr bann ségnèr.