Jérémi
3 Parské bann koutum bann pèp sa rienk in rèv sa. I koup in piédboi dan la foré, é, avèk in zouti, lartizan i fabrik èk son min in lèstatu. 4 I dékor ali èk larjan é lor. Èk in marto é bann klou i klout ali pou k’li tien dobout. 5 Parèy kom in lépouvatay dann in karo konkonm, bann fo bondié la i gingn pa kozé. I fo port azot, parské zot i gingn pa marché. Pa bézoin zot la pèr banna, parské zot i gingn pa fé rien, ni mové zafèr ni bon zafèr. 10 Mé Jéova, ali, li lé vréman Bondié. Li lé lo Bondié vivan é lo Roi pou toultan. Akoz son kolèr, la tèr va tranblé, é okin nasion va gingn suport son kolèr. 23 O Jéova, mi koné bien ke lom i pe pa trouv son chemin touseul. Lé pa lom ki march i doi dirij son bann pa.