Psom

112 Alon loué Ja ! Ké sak néna in gran rèspé pou Jéova, é k’i aksèp èk joi son bann loi lé éré. 2 Son bann zanfan va vni puisan dési la tèr é la jénérasion domoun jus sra béni. 3 Dan son kaz néna richès é trézor é son justis i dur pou toultan. 4 Li briy kom in lumièr dann fénoir pou domoun ké lé jus. Li fé mont la pitié é li aji, é li lé jus. 5 Tout i èspas bien pou lo moun ké néna lo kèr su la min. Tout sak li fé, li fé sa èk justis. 6 Pèrsone va gingn fé tonb ali. Nou va rapèl anou du moun jus, é sa pou toultan. 7 Li tranbra pa dovan bann mové nouvèl. Son kèr lé paré, li mèt son konfians an Jéova. 8 Dan son kèr néna la konfians ; la pèr i mont pa dési li ; é kan va ariv la fin, lé èk kontantman dann zié, ké li va gard son lènmi. 9 Li la done san konté, li la done sak lé pov. Son justis i dur pou toultan. Avèk lonèr va mèt anlèr son fors. 10 Kan lo moun méchan va oir sa, li va tonb dann dépitasion. Li va grins lo dan é li va pèrd kouraj. Son bann dézir va disparèt.