Izai

4 Malèr pou la nasion i fé bann péché, lo pèp krazé par bann fot, la ras domoun mové, bann marmay k’i fé lo mal ! Zot la larg Jéova, zot la trèt lo Sin Israèl san rèspé, zot la vir lo do sanm li. 5 Kom zot i arèt pa robèl azot, prochin kou ousa zot va gingn lo kou ? Tout la tèt lé malad é tout lo kèr lé an soufrans. 6 Dopi lo pié juska la tèt, na pi rien lé bon dési. Néna blésur, bann mark é bann boubou ké lé pa géri ; tousa la pa été soigné, la pa mèt pansman, la pa mèt doluil pou soulajé. 15 Kan zot i lèv zot min anlèr vèr moin, mi dévir mon zié. Zot i pri amoin in bonpé, mé mi ékout pa : zot min lé ranpli èk lo san. 18 « Donk, vien azot é alon armèt lord dan bann zafèr ant nou, Jéova i di. Mèm si zot péché lé kouleur rouj vif, li va fé ni azot blan kom la nèj ; mèm si zot péché lé kom in toil rouj grena, zot va ni kom la lèn.