1 Pièr
2 Parèy bann ti baba i vièn nèt, fé grandi zot lanvi pou dolé ké lé pur la parol pou ké gras ali zot i grandi é zot i gingn lèspérans. 9 Mé zot, zot sé « in ras ke lé choizi, bann prèt ki sèrv kom bann roi, in nasion ke lé sin, in peup aplé pou ni in bien éspésial, pou ke zot i anons bann joli kalité » de sak la tir azot dann fénoir é ke la amèn azot dan son linkroyab lumièr. 10 Parske avan sa zot té pa in peup, mé astèr zot sé le peup Bondieu. 11 Azot mon bann frèr ké mi èm for, mi done azot konsèy-la, azot k’i viv kom zétranjé é kom zabitan ké lé jus de pasaj, rojèt bann mové dézir ké lapou batay sanm zot. 12 Konport azot bien an parmi bann nasion pou ké, kan i akuz azot d’èt bann mové moun, banna i oi bann bon zaksion ké zot i fé, é banna va done la gloir Bondié lo jour li va fé son kontrol. 13 Akoz lo Ségnèr, obéi tout bann domoun : kisoi in roi akoz li lé odsi, 14 kisoi bann gouvèrnèr kom bann domoun anvoiyé pou puni sak i fé lo mal mé pou romèrsié sak i fé lo bien. 17 Done lonèr tout kalité domoun, èm tout lasanblé bann frèr, mont la krintiv pou Bondié, done lonèr lo roi. 20 Parske kèl mérit néna si i tap azot an rézon zot péché é ke zot i suport sa ? Si zot i andur bann soufrans parske zot la fé le bien, sa sé in bon zafèr pou Bondieu. 21 An vré sé pousa la choizi azot, parské Kris osi la ansoufèr pou zot, li la lès azot in légzanp pou ké zot i suiv fidèlman son bann tras. 22 Li la pa fé bann péché, é la pa trouv kozman manteur dan son bouch. 23 Kan domoun té jur ali, li té répond pa rien. Kan li té souf, li té ménas pa pèrsone, mé li té kont su Sak i juj èk justis.