Luk
21 Kan li la lèv son zié, li la vu bann rich té i mèt zot larjan dan bann boit zofrann lo Trézor. 2 Aprésa li la vu in pov vèv antrinn mèt dé ti piès ké té vo pa gran choz. 3 Li la di: « Franch vérité, mi di azot ké ti vèv pov-la, la mèt plis ké tout lé zot. 4 Parské tout banna la mèt sak zot navé an plis, mé li, pov kom li lé, la mèt tout sak li navé pou viv. » 7 Alor banna la demann ali : « Lansénian, alor, kansa bann zafèr la va arivé, é kèl sign va fé konèt ke bann zafèr la va arivé ? » 9 Osi, pa bézoin gingn la tranblad kan zot sa antand bann gèr é bann révolusion. Tout fason, i fo dabor i ariv sa, mé la fin lé pa pou toutsuit. » 10 Aprésa li la di azot : « Nasion va drès kont nasion é roiyom kont roiyom. 11 Nora bann gran tranbléman d’tèr é, plas an plas, nora famine èk zépidémi. Nou va oir bann zafèr i fé pèr, é osi bann gran sign i sort dann sièl. 20 « Seulman sa, kan zot va voir bann zarmé solda antour Jéruzalèm, alor zot va konèt ke son déstruksion i ariv. 21 Alor, ke sak lé dann Judé i mont dan la montagn, ke sak lé dann Jéruzalèm i sort anndan la é ke sak lé dann karo plantasion i vien pa an vil. 24 Inn apré lot, zot sra tué èk lépé é va anmèn azot dan tout lé zot nasion kom prizonié. É bann nasion-la va pil Jéruzalèm, juska lo tan la done bann nasion, i fini. 31 Lé parèy, kan zot va oir bann zafèr-la arivé, i tard pa roiyom Bondié i ariv. 34 « Mé fé atansion azot, pou ke zot keur lé pa lour parske zot i manj plus ki fo, boir plus ki fo é avèk bann traka la vi, é pou pa ke toudinkou le jour la i sézi azot 35 kom in pièj. Parske li va arivé su tout bann zabitan la tèr an antié. 36 Sé pousa, kontinué fé atansion é supli toultan pou ke zot i gingn chapé devan tout bann zafèr i doi arivé é pou ke zot i tienbo debout devan le Garson d’lom. »