Izai
35 Lo dézèr é lo péi ké lé sèk nora in gran kontantman. La plèn ké lé an dézèr va konèt la joi é va fléri parèy safran. 2 Lé sur li va anfléri ; li sra kontan é li va kri èk la joi. Va done ali la gloir péi Liban, la boté péi Carmèl èk péi Saron. Nou va oir la gloir Jéova, la boté nout Bondié. 5 Dann lépok-la, lé zié sak i oi pa va rouvèr é lo zorèy sak i antan pa klèr va rouvèr. 6 Dann lépok-la, sak i boit va sot kom in sèrf, é la lang sak i parl pa va pous bann kri la joi. Dolo va aparèt dann dézèr, é bann rivièr dan la plèn sèk. 7 La tèr ké lé sèk va ni in létan kouvèr èk bann jon, é nora in takon sours dolo ousa la tèr lé sèk. Landroi ousa bann chakal i ropoz azot, nora zèrb, nora jon èk bann papirus. 8 Oui, nora in gran rout tèrla, li va apèl lo Chemin ké lé sin. Sak lé malprop i pasra pa par la. Chemin la lé rienk pou sak na lo droi pran ali ; na poin in tèt dur va travèrs ladan.