Izai

2 Léspri Jéova va poz su li, léspri la sajès é lintélijans, léspri pou donn konsèy é pou donn la fors, léspri la konésans é la krint Jéova. 3 La krint Jéova sra in kontantman pou li. Li va pa juj in moun rienk dapré sak son zieu i voi li va pa korij in moun rienk dapré sak son zorèy va antann. 4 Li va juj bann ti maléré èk la justis é li va korij domoun in fason ké lé droit, an favèr bann domoun k’i mèt pa zot su la otèr. Li va frap la tèr èk lo baton k’i sort son bouch é èk lo souf k’i sort son bouch, li va tué lo méchan. 6 Le lou va repoz ali in pe d’tan koté le ti mouton, le léopar va dor avèk le ti kabri, le ti beuf, le lion é le zanimo bien gra sra zot tout ansanm; é inn ti garson va gid azot. 7 Le beuf èk lours va manj ansanm, é zot ti va dor ansanm osi. Le lion va manj la pay parèy kom le toro. 8 Le ti bébé va joué koté le ni le kobra, é le ti marmay i tèt pu va mèt son min su le trou ousa le sèrpan danjereu i kachièt. 9 Nora pu pèrsone pou fé lo mal ou pou fé d’ravaj dan tout mon montagn sin, parské vréman, kom dolo i rokouv lo fon la mèr, la tèr i sra ranpli èk la konésans Jéova.