Akt bann zapot

2 Kom zot té pou sèrv Jéova é ké pousa zot té manj pa, lèspri sin la di azot : « Mèt Barnabé èk Sol su koté pou moin, pou fé lo travay moin la prévu pou zot. » 4 Kom lèspri sin lavé anvoy azot, alor lé dé bonom-la la désand Sélesi, é dépi tèr la, zot la pran bato pou alé Chip. 15 Apré ké té fine lir la Loi é sak bann Profèt i di, bann chèf la sinagog la di azot : « Azot frèr, si zot néna in zafèr pou di k’i pé done kouraj lo pèp, koz azot. » 22 Apré ke li té finn bord ali, li la choizi pou zot David kom roi, anvèr kisa li la donn témoiniaj la : “ Ma la trouv David garson Jésé, in bonom ki aji vréman selon mon volonté ; li va fé tout bann zafèr ke mi ve.” 32 « Sé akoz sa mèm nou fé konèt azot lo gayar nouvèl dési lo promès ké Bondié la fé nout bann zansèt. 33 Bondié la réaliz promès-la an antié pou nou, anou zanfan banna, kan li la résusit Jézu ; é sa mèm lé ékri dan lo dézièm psom : “Ou lé mon garson ; moin la ni out papa jordi.” 34 É kom Bondié la résusit ali an parmi bann mor komsa li arvien pi jamé dan in kor k’i pé pouri, ala koman li la di sa : “Dan mon lamour fidèl pou zot ma tienbo lo promès ké moin la fé David, é dann promès-la zot i pé aoir konfians.” 46 Mé Pol é Barnabé la koz fran èk banna é la di : « An vré lété ansanm zot ké té falé di la parol Bondié an promié. Mé kom zot la bord ali é ké zot i pans zot la pa bézoin la vi pou toultan, bin ala, nou sa oir domoun dot nasion. » 48 Kan domoun bann nasion la antand sa, zot lété kontan é la komans done lonèr la parol Jéova, é tout sak lavé la mantalité k’i fo pou gingn viv pou toultan la vni kroiyan. 52 É lo kèr bann disip té kontinié èt ranpli èk la joi, zot té plin lèspri sin.