Révélasion

1 Révélasion par Jézu kris, ké Bondié la done ali pou mont son bann zèsklav bann zafèr i tard pa i sa arivé. É Jézu la anvoy son lanj é, gras ali, li la fé mont sa son lèsklav Jan, par lo moiyen bann sign. 3 Éré sak i lir for é tout sak i antand bann parol profési la é k’i fé in kont avèk bann zafèr ké lé ékri anndan, parské lo tan fiksé lé pré. 10 Gras lèspri sin, moin la rotrouv amoin lo jour lo Ségnèr, é dèrièr moin, moin la antand in gro voi, ké té parèy kom in tronpèt kan i sone, 11 té pou di : « Sak ou oi la, ékri ali dan in roulo é anvoy sa pou lé sèt lasanblé : pou Éféz, pou Smirn, pou Pèrgam, pou Tiatir, pou Sard, pou Filadèlfi é pou Laodisé. » 14 Son tèt èk son chevé té kom la lèn blan, parèy kom la nèj ; son ziè té kom in flam dofé, 15 son pié té briy kom kuiv fin kan i fond dann four, é son voi té fé dézord kom in bonpé dolo k’i koul for. 16 Dan son min droit, navé sèt zétoil é in gran lépé bien afité té sort dan son bouch, é son figur té kom solèy kan lé an far.