1 Timoté

3 Nou pé aoir konfians dan bann parol la : Si in bonom i rod pou gingn bann rèsponsabilité, sé in bon zafèr li rod pou fé. 2 Donk i fo ké na poin rien pou di su in rèsponsab, li lé marié èk in sèl madam, li lé rézonab dan son bann labitid, li néna in bon jujman, li néna in vi ké lé droit, li akèy èk gran kèr tout domoun, li lé gabié dan lamontraj, 3 li doi pa èt in soular ni in bonom violan, mé in bonom rézonab, pa batayèr, pa in kamarad larjan, 4 li doi èt in bonom k’i dirij in bon fason son prop famiy, son bann zanfan lé obéisan é i march droit 5 (parské si in bonom i koné pa dirij son prop famiy, koman li va pran soin lasanblé Bondié?) 6 li lé pa in jèn batizé, komsa lorgèy i mont pa dési li é ké li gingn lo mèm kondanasion lo Diab. 7 In not koté, i fo osi li néna in bon réputasion an parmi bann domoun an déor lasanblé, pou pa li tonb dan la ont é dan in gob lo Diab. 8 Parèy, i fo ké bann zasistan lé bann zom sèrié, zot na poin dé manièr kozé, zot lé rézonab kan zot i boir dovin, zot lé pa rapiang pou gingn larjan d’in fason malonèt, 9 li lé ataché èk lo sin sékré la foi èk in konsians klèr. 10 An plis ké sa, i fo dabor zot lé tésté dapré zot kapasité, aprésa, si na poin in lakuzasion kont zot, alor banna va sèrv kom asistan. 11 Parèy, i fo ké bann madam lé sèrié, i sali pa la réputasion lé zot, rézonab dann zot bann labitid, fidèl dann tout zafèr. 12 Bann zasistan i doi èt lo mari in sèl madam é dirij in bon fason zot bann zanfan é zot prop famiy. 13 Parské bann zom k’i sèrv in bon fason i gingn in bon réputasion é in gran konfians pou koz su la foi dann Kris Jézu. 15 pou ke, ankak mi va tardé, ou koné koman ou doi konport aou dan la kaz Bondieu, ke lé lasanblé le Bondieu vivan, pilié é zarboutan la vérité.