Matié

25 Lèr-la, Jézu la di « Mi loué aou dovan domoun, Papa, Ségnèr dann sièl é dési la tèr, parské ou la kachièt tousa-la bann saj é bann moun intélijan, é ou la fé konèt sa bann jèn marmay. 27 Mon Papa la mèt tout dan mon min. Na poin okin moun i koné vréman lo Garson sof lo Papa. É okin moun i koné bien mèm lo Papa, sof lo Garson é osi lo moun èk kisa lo Garson i vé fé konèt son Papa. 28 Kos koté moin, zot tout ké lé fatigé é k’i port in gro fardo, é moin, ma soulaj azot. 29 Pran dési zot mon joug é aprann gras mon légzanp, parské mon tanpéraman lé dou é mon kèr lé pa orgèyé, é zot va trouv soulajman. 30 Parské mon joug lé fasil pou porté é la charj mi mèt dési zot lé léjé. »