Romin
16 Léspri li mèm i fé konprann klèrman avèk nout léspri, ke nou lé bann zanfan Bondieu. 21 la kréasion, ali osi sra libéré lèsklavaj lo péché èk la mor é li va gingn lo libèrté inkroiyab ké bann zanfan Bondié néna. 22 Parské nou koné ké juskalèr tout sak lé kréé, i arèt pa plègn ansanm é souf ansanm. 35 Kisa va sépar anou èk lamour ké Jézu néna pou nou ? Malizé, détrès, maltrétans, la famine, lo mank linj, lo danjé oubien lépé ? 37 O kontrèr, dan tout bann zafèr la, nou la gingn in viktoir total gras sak la èm anou. 38 Parské moin lé sur ké pa mèm la mor ni la vi, pa mèm bann zanj oubien gouvèrnman, pa mèm bann zafèr koméla ni sak i sa arivé, pa mèm bann puisans, 39 pa mèm sak lé anlèr ni sak lé andsou, ni rien dot k’i égzis i poura pa défand Bondié èk Jézu Kris, nout Ségnèr, èm anou.