Révélasion

17 Inn an parmi lo bann sèt zanj ké lavé sèt bol lé vnu di amoin : « Vien, mi va mont aou lo jujman ké i sar fé kont lo gran prostitué ké lé asiz su in gran kantité d’lo, 2 Sé avèk li bann roi su la tèr, la komèt bann péché sèksuèl, é bann zabitan su la tèr la soul azot avèk lo vin son bann péché sèksuèl. 3 É gras lèsprin sin, li la amèn amoin dan in dézèr. É ma la vu in fanm asiz su in bébèt sovaj koulèr rouj vif. Lo bébèt-la navé sèt tèt èk dis korn é li té plin d’non k’i insult Bondié. 5 Su son fron lété ékri in non, in mistèr : « Gran Babilone, lo momon bann prostitué é bann zafèr dégoutan su la tèr. » 13 Zot na in sèl é mèm lidé, é zot va done lo bébèt sovaj zot puisans èk zot lotorité. 16 É bann dis korn ou la vu é lo bébèt sovaj, banna nora la èn pou lo prostitué. Banna va plim aèl, va lès aèl touni ; banna va manj son chèr é va bril aèl an antié. 17 Parské Bondié va mèt son pansé dan zot kèr pou ké zot i fé sak li vé, oui, pou réaliz zot prop lidé kan zot va done zot pouvoir lo bébèt sovaj, juskatank sak Bondié la di i réaliz.