Luk

5 In jour, dann bor lo lak Jénézarèt, in foul domoun té kosté pré mèm koté Jézu é té pou ékout ali koz èk zot su la parol Bondié 2 Li la vu dé bato, kosté su lo bor lo lak, é bann péchèr té fine sort dédan, é zot té pou nétoiy zot filé. 3 Li la mont dan in bato, sak Simon, é li la domand Simon avans inn ti pé pli loin dann lo. Aprésa li la asiz, é dépi dann bato, li la komans aprann tout sak té la bonpé zafèr. 5 Simon la répond ali : « Lamontrèr, tout la nuit nou la travay dur é nou la pa gingn trap rien. Mé kom ou domand amoin, mi va larg lo bann filé. » 6 É la, kan zot té fine fé sa, zot la trap in tralé poison. An vré, zot filé té pou déchiré. 7 Alor zot la kri sak té travay èk zot dan lot bato, pou ni done azot in kou d’min. Banna la ni, é lé dé bato la komans koulé tèlman té tro plin. 8 Kan Simon Pièr la vu sa, li la tonb ajnou dovan Jézu é li la di ali : « Ségnèr, rès pa koté moin, parské moin néna tro péché. » 9 Parské Simon é tout sak té ansanm li té sézi akoz lo gran kantité poison zot la trapé. 10 Lété parèy pou Jak é Jan, lé dé garson Zébédé, sak té travay èk Simon. Mé Jézu la di Simon : « Pa bézoin ou la pèr. Apartir jordi, sé la pèch domoun ou va fé. » 31 Jézu la répond azot :« Lé pa domoun ké lé bien ké la bézoin in doktèr, mé sak lé malad. 32 Sé pa bann jus, mé sé bann péchèr ma la ni di azot i fo zot i chanj.