Luk

6 I vann sink moino pou deu piès larjan ke na poin tro la valeur, pa vré ? Pourtan, okin d’zot lé oublié par Bondieu. 7 Konsèrnan zot, mèm tout zot cheveu lé konté. Pa bezoin zot la peur : zot na plus la valeur ke in bonpe moino. 11 Kan va trèn azot dovan tribunal, bann fonksionèr, oubien dovan la loi, trakas pa zot pou lo manièr zot va défand azot ni pou sak zot va di, 12 parské lèspri sin va amont azot toutsuit sak zot i doi di. » 13 Alor inn an parmi la foul la di ali : « Lamontrèr, di mon frèr partaj léritaj sanm moin. » 14 Jézu la répond ali : « Mésié, kisa la mèt amoin juj oubien larbit ant zot dé ? » 15 Aprésa li la di azot : « Rouv lo zié : rojèt tout kalité konvoitiz, parské, mèm kan in moun néna in bonpé d’zafèr, sak li néna i done pa li la vi. » 16 Aprésa li la ansèrv in légzanp : « In bonom rich té gingn bon rékolt dan son plantasion. 17 Donk li la komans réfléchi é di èk li mèm: “Kosa mi sa fé astèr ké mi na pu la plas ? Ousa mi sa mèt mon bann rékolt ?” 18 Alor li la di : “Ala sak mi sa fé: Mi sa kas mon bann kajibi é konstrui bann pli gran, é mi va mèt tout mon bann grin é tout mon bann bien. 19 É mi va di amoin: ‘Ou néna in paké d’zafèr ké lé gardé su koté pou in bonpé d’zané. Ropoz aou, manj, boi, fé aou plézir. ’” 20 Mé Bondié la di ali : “ Lèspès lo fou, asoir mèm ou va pèrd la vi. É alor, kisa nora bann zafèr ké ou la antasé ?” 21 Ala sak i ariv pou sak i ramas in zarlor pou li mèm, mé ké lé pa rich dovan bann zié Bondié . 32 « Pa bezoin ou la peur, ti troupo, parske zot Papa la trouv ke lé bien ke i donn azot le Roiyom. 42 Le Sénieur la réponn : « Alor kisa i lé lésklav fidèl, lésklav saj, ke son mèt va mèt an plas su lansanm son bann sèrviteur pou kontinué donn azot zot manjé o moman ki fo ?