Éklézias

11 Mé kan ma la réfléchi su tout sak moin té fine fé, tout sa dur travay moin lavé fé dann doulèr, ma la vu travay-la té dann vid, parèy kom kour dèrièr lo van ; navé poin rien té i vo la pèn dési la tèr. 15 Alor moin la di dan mon keur : « Va ariv amoin le mèm zafèr ke le stupid. » Kosa mi va gingné si mi devien tro saj ? Donk moin la di dan mon keur: « Sa osi lé inutil. » 18 Moin la détès tout bann dur travay moin la fé su la tèr Bondié, parsk’i fodra mi lès tout pou lo moun ké va ranplas amoin. 19 Kisa i koné si li sra saj oubien bèt ? Pourtan sé li va komand tout sak moin nora gingné su la tèr Bondié gras mon bann zéfor é mon gran sajès. Sa osi lé dann vid.