Psom
34 Mi vé done lonèr Jéova toultan ; Dan mon bouch nora toultan bann parol pou done ali lonèr. 2 Ma trouv mon fièrté dan mon Bondié Jéova ; sak lé inb va antand é nora kontantman dann kèr. 3 Rann gloir Jéova ansanm moin ; alon mèt anlèr son non nout tout ansanm ! 7 Lanj Jéova i kanp autour sak na la krint pou li, é li déliv a zot. 8 Gout é oi ke Jéova lé bon ; ereu le bonom ki rant sou son protéksion ! 9 Fé mont in gran rèspé pou Jéova, zot tout, son bann sin, parsk’i mankra pa rien pou sak i fé mont ali in gran rèspé. 10 Mèm bann jèn lion ké lé for la vni fèb èk la fin, mé sak i rod Jéova i mankra pa zot okin bon zafèr. 12 Kisa an parmi zot i pran plézir viv é i èmré viv in bonpé jour éré. 13 Alor, vèy out lang pou pa di sak lé mal, out bouch pou pa di sak lé mantèr. 14 Arèt fé lo mal é fé lo bien, rod la pé é larg pa li . 15 Lo zié Jéova lé su sak lé jus é son zorèy i ékout zot kri o sokour. 16 Mé Jéova i vir son figur kont sak i fé lo mal, pou rèy tout souvnans banna su la tèr. 17 Bann moun jus la krié, é Jéova la antand azot ; li la sov azot dan tout zot malizé. 18 Jéova lé akoté sak néna lo kèr brizé ; li sov sak la pèrd kouraj. 19 Bann malizé i mank pa pou sak lé jus, mé Jéova i tir ali dann tousala. 20 Li protèj tout son bann zo ; na poin inn lété kasé 22 Jéova i sov la vi son bann sèrviteur ; pèrsonn parmi sak i rod protéksion koté li i sra konsidéré kom koupab.