Matié

4 Aprésa lèspri sin la amèn Jézu dann dézèr é la lo Diab la tant ali. 2 Alor ké té fé 40 jour é 40 nuit li té san manjé, la fin té dési li. 3 Lèr-la lo Diab la kos koté li pou tant ali é la di ali : « Si ou lé in garson Bondié, fé ni bann galé-la an pin. » 4 Mé Jézu la répond ali : « Lé ékri : “In moun i doi pa viv rienk èk dopin sèlman, mé osi èk tout bann parol ké Jéova i di.” » 5 Alor lo Diab la amèn ali dan la vil sin, la mèt ali anlèr lo mur lo tanp 6 é la di ali : « Si ou lé in garson Bondié, jèt out kor dann fon. Parské lé ékri : “Pou ou Bondié va done son bann zanj in lord” komsa “Banna va port aou èk zot min, o moin out pié i bat arpa dann galé.” » 7 Jézu la di ali : « Ala sak lé ékri osi : “Ou doi pa tès Jéova out Bondié.” » 8 Lo Diab la amèn ali tou lao laba anlèr in montagn pou mont ali tout lo bann gouvèrnman su la tèr komansa i briy, 9 é la di ali : « Tout bann zafèr la, mi va donn aou sa si ou tonm a jenou é si ou ador amoin. » 10 Jézu la répond ali : « Sort dovan moin Satan parské lé ékri : “Ou doi ador rienk Jéova out Bondié é osi ou doi sèrv rienk ali sèlman.” » 11 Lèr-la, lo Diab la kit ali, é agard, bann zanj la ni é la pran soin d’li. 13 Aprésa, li la kit Nazarèt, é li la parti abit Karfarnaom, dann bor la mèr, dann téritoir Zabulon èk Nèftali, 14 pou réaliz sak lo profèt Izai lavé anonsé, kan li di : 15 « A Galilé ousa domoun dot nasion i abit, péi Zabulon èk Nèftali, zot k’i rès su la rout ké lé dann bor la mèr, dan lot koté lo Jourdin ! 16 Lo pèp ké lé asiz dann fénoir, la vu in gran lumièr, é la lumièr la lèv dési sak lé asiz dann landroi, ousa néna lonbraj la mor. » 17 Dépi moman la, Jézu la komans préché é li la di : « Ropanti azot, parské lo roiyom dann sièl la vni pli pré. » 19 Li la di azot : « Vien èk moin é sé domoun ké ma fé pèch azot. » 23 Alor li la komans alé partou an Galilé : li té amont la vérité dan bann sinagog, li té prèch lo gayar nouvèl lo roiyom é li té géri tout kalité maladi é bann zandikap.