Èske ou va fé la volonté Jéova ?

Ou la pran le tan pou étudié brochur la é nou remèrsi a ou pousa. Li la pèrmèt a ou fé plus konésans avèk nou, pou konèt nout zaktivité é nout lorganizasion. Gras brochur la, nous éspèr ke ou la rann a ou kont ke sé bien nou ki fé la volonté Jéova. Nou ankouraj a ou pou kontinué aprann konèt Bondieu, kontinué koz avèk out fami é out bann kamarad su sak ou aprann, é asis régulièrman nout bann rénion (Ébreu 10:23-25).

Plus ou va aprann konèt Jéova, plus ou va voir a kèl poin li ièm a ou. Sa va pous a ou fé tout out posib pou ièm a li out tour (1 Jan 4:8-10, 19). Mé koman mont dann out vi tou lé jour ke ou ièm Bondieu ? Pou kosa lé bien ke ou obéi bann prinsip ke néna dan la Bib ? Kosa va donn a ou anvi fé la volonté Bondieu ansanm nou ? Le moun ki fé out létud la Bib i sra kontan èd a ou trouv répons pou bann késtion la, komsa out fami é ou mèm, zot i sra kapab « rès dan lamour Bondieu [...] pou zot viv pou toultan » (Jud 21).

Nou ankouraj a ou de tout nout keur pou kontinué fé bann progré dan la vérité avèk létud le liv « Gardez-vous dans l’amour de Dieu ».