Kosa ou pe aprann avèk bann krétien ki sèrv Jéova depui lontan ?

Dan nout bann zasanblé lokal, nou néna bann frèr é seur ki sèrv Jéova depui in kantité d’zané. Zot néna in konfians an Jéova ke lé solid kom le fèr, é sa lé in bon légzanp pou imité. Nou pe poz azot bann késtion su sak la éspasé dan le peup Jéova, é koman Jéova la èd azot ansort azot kan zot lété dann malizé. Nou pouré osi invit inn anparmi se bann frèr é seur bienémé, pou nout létud an fami pou ke li rakont anou detroi ti zistoir.

Si ou lé in krétien ki sèrv Jéova depui lontan, ézit pa rakont bann jeun krétien koman Jéova la èd aou. Jakob é Jozèf la fé konèt zot désandan tout sak la arivé dan zot vi (Jen 48:21, 22 ; 50:24, 25). Plutar, Jéova té i ve ke bann chèf la fami té rakont avèk zot zanfan bann zaksion puisan ke li la fé (Det 4:9, 10 ; Ps 78:4-7). Zordi, bann momon papa, é bann frèr é seur lasanblé lokal, i pe rakont èk bann jeun lé antrèn levé, ke zot la vu bann gayar zafèr Jéova la fé avèk lèd son peup ke lé organizé.

GARD LE VIDÉO RESTONS UNIS SOUS L’INTERDICTION, APRÉSA RÉPONN BANN KÉSTION LA :

• Koman le Buro nasional Lotrich la èd bann frèr é seur dann désèrtin péi ousa lété intèrdi sèrv Jéova ?

• Kosa la èd bann frèr é seur dan bann péi la, gard in foi solid ?

• Poukosa in bonpe frèr é seur Roumani la kit le peup Jéova, é koman banna la fé pou artourné ?

• Par koman bann zistoir la, i rann nout foi plu for ?