Fé atansion pou pa fann partou bann kozman manteur

Zordi, kisoi su papié, dann radio, dann télé ou su lintèrnèt, in linformasion i pe fann partou vitman pou bann domoun par milion. Sak i ador le « Bondieu ki di la vérité » i ve pa répann bann fo zinformasion, mèm san fé éspré (Psom 31:5 ; Égzod 23:1). Raport bann kozman manteur, i pe amèn in ta problèm. Pou konèt si in linformasion lé vré, demann aou :

• « Èske sak la raport linformasion lé fiab ? » Sak i rakont in zistoir, li koné petèt pa tout le bann détay. Lé sur, in zistoir ki pas èk in moun apré lot, lé pa rakonté parèy. Alor, kan ou pe pa konèt ousa in linformasion i sort vréman, fé atansion. Pou bann krétien ke néna bann résponsabilité dann lasanblé, banna lé vu kom bann domoun ki donn bann linformasion ke lé vré. Donk, zot i devré vréman fèr atansion pa fé tourn bann zinformasion ke lé pa sur.

• « Èske sé in kozman manteur pou sali in moun ? » Si le linformasion i sali la réputasion in moun ou in group domoun, vo mieu pa alé répann sa (Prov 18:8 ; Fil 4:8).

• « Èske le zistoir la vréman éspas komsa ? » Kan ou antan in moun rakont in zistoir ke lé tro inkroiyab pou èt vré, fé atansion.

GARD LE VIDÉO COMMENT ARRÊTER LES BRUITS QUI COURENT ?, APRÉSA RÉPONN BANN KÉSTION LA :

• 

  Dapré Prov 12:18, koman bann mo i pe fé souf lé zot ?

• 

  Koman Filipien 2:4 i èd anou èt rézonab kan nou koz su lé zot ?

• 

  Kosa i fo fé, kan in diskusion su in moun i dévir, pou ri ali oubien pou koz an mal su li ?

• 

  Kèl késtion i fo nou poz anou avan koz su in moun ?