Alon devnir plu gabié dann prédikasion : Prèch par lintèrfonn oubien viziofonn

POUKOSA LÉ INPORTAN : Le progré téknik é la monté la violans, i pous in ta domoun mèt in lintèrfonn ou in viziofonn zot kaz. Èske nou la peur prèch le gayar nouvèl èk in moun ki voi anou mé ke nou voi pa li ? Bann konsèy ke i suiv apré, va èd anou a èt plu sur de nou kan nou koz devan bann zaparèy la.

KOMAN I FO FÉ :

• Gard in bon fason pansé. In ta domoun ke néna in lintèrfonn ou in viziofonn i ve bien koz avèk nou.

• I fo ke ou koné avan ke in moun i sonn, désèrtin kaméra i komans filmé. Sa i ve dir ke le moun i abit tèrla, i voi aou, oubien i antann aou petèt, dèk ou rant dan son kour.

• Kan le moun i abit la i réponn aou, koz devan le kaméra ou le mikro komsi ou té koz èk le moun an fas de ou. Fé in sourir é fé bann jès ke ou na labitud fé. Di sak ou té ve dir, si le moun lavé rouv son port pou koz èk ou. Mèt pa out tèt tro pré le kaméra. Apré si na poin pèrsonn i réponn aou, lès pa in mésaj.

• Infoik le diskusion lé fini, oubli pa ke petèt le moun i kontinu vèy aou ou ékout aou.