BANN TRÉZOR DANN PAROL BONDIEU | LÉVITIK 4-5
Alon donn Jéova sak lé méyeur
Dann péi Israèl, té i anpèch pa bann moun ke té pov fé la pé ansanm Jéova. Mèm l’Israélit le plu pov, té pe donn in sakrifis ke Jéova té aksèp, pourvu ke li té i donn sak lé méyeur. Li pouvé donn la farinn, mé Jéova té aksèp seulman la farinn ke lé « fin », le kalité la farinn ke lété pou bann moun inportan (Jen 18:6). Zordi, petèt nout situasion i défann anou fé sak nou ve, mé Jéova i pran plézir kan nou donn ali nout méyeur « sakrifis pou loué ali » (Ébr 13:15).
Si ou gingn pu fé kom avan, petèt ou na in santé frajil oubien ou na pu tro la fors, koman se lidé la i ankouraj aou ?