Bann zasanblé réjional : bann zokazion pou fémont nout lamour

Poukosa nou ièm tèlman nout bann zasanblé réjional ? Parske, kom dann tan Israèl, bann zasanblé i fé chak lané, i donn lokazion ador Jéova avèk bann santèn, petèt mèm bann milié dot sèrviteur Bondieu. An plus, tousala sé bann gran fèt spirituèl. É i fé plézir anou pas se moman la avèk nout fami é nout bann kamarad. Tousa rézon la, i pous anou asis se 3 jour lasanblé la.

Pandan se bann zasanblé la, pans pa seulman sak nou pe retiré pou nou mèm mé osi koman nou pe mont nout lamour (Gal 6:10 ; Ébr 10:24, 25). Par égzanp, kan nou ténir la port pou in frèr ou in seur, ou kan nou rézèrv la plas ke nou la bezoin, nou mont ke nou fé pas lé zintéré lé zot avan lé not (Fil 2:3, 4). La osi, bann zasanblé i donn anou bann gayar lokazion pou fé kamarad. Petèt, nou pouré désid fé la konésans avèk inn, avan é apré lasanblé é pandan la poz midi (2 Kor 6:13). Bann zamitié ke la komansé dan bann zasanblé, i pe dur pou tout la vi ! An plus ke sa, kan sak i obsèrv anou i voi le vré lamour antrèn ajir, banna i pe désid sèrv Jéova ansanm nou (Jan 13:35).

GARD LE VIDÉO BANN ZASANBLÉ INTÈRNASIONAL « LAMOUR I FINI JAMÉ ! », APRÉSA RÉPONN BANN KÉSTION LA :

• 

  Dan bann zasanblé intèrnasional 2019, koman la fémont lamour pou bann frèr é seur ke té sort dann dot péi ?

• 

  Kosa i fé ke lunité é lamour ke néna anparmi bann sèrviteur Jéova, lé vréman inkroiyab ?

• 

  Koman bann frèr le Kolèj santral la mèt an valeur sak lamour krétien i pe fé ?

• 

  Koman lamour krétien la niabout dann péi Almagn é Koré du Sud ?

• Kosa nou doi èt bien désidé pou fé ?