« Pa bezoin trakas azot dutou »

Dan le peup Israèl dann tan lontan, Jéova té èd sak lété mizèr. Azordi, koman Jéova i èd son bann zadorateur ke lé pov ?

• Li ansègn banna èt rézonab dan zot fason konsidèr larjan (Luk 12:15 ; 1 Tim 6:6-8).

• Li èd banna gard in bon léstim de zot mèm (Job 34:19).

• Li aprann banna travay dur é rejèt bann zabitud ke lé mové (Prov 14:23 ; 20:1 ; 2 Kor 7:1).

• Li fé rant azot dan in gran fami krétien, ousa toulmonn i ièm azot inn é lot (Jan 13:35 ; 1 Jan 3:17, 18).

• Li donn azot in gayar léspérans (Psom 9:18 ; Izai 65:21-23).

Kinport le situasion grav nou pouré viv, nou la pa bezoin trakas anou (Izai 30:15). Tank nou kontinué mèt an premié son roiyom, Jéova va donn anou sak nou la bezoin (Mat 6:31-33).

GARD LE VIDÉO LAMOUR I FINI JAMÉ MÈM SI... NOU LÉ MIZÈR (KONGO), APRÉSA RÉPONN BANN KÉSTION LA :

• 

  Koman bann Témoin ki abit pré ousa néna bann zasanblé réjional, i resoi bien bann frèr é seur i sort loin ?

• 

  Kosa ti vidéo la, i ansègn anou su lamour ke Jéova néna pou sak lé mizèr ?

• 

  Ke nou néna ou ke nou la poin, koman nou pe suiv légzanp Jéova ?