Kisa i lé out bann kamarad su lintèrnèt ?

In kamarad sé in moun ke nou ièm ou ke nou réspèk. Par égzanp, apré ke David la tué Goliat, Jonatan é David la ni bon kamarad é zot lamitié té solid (1 Sam 18:1). Sé gras bann joli kalité ke chakèn la montré, ke zot la èm azot inn é lot. Anfin d’kont, in vré lamitié lé bazé su sak nou koné vréman su lot. É pousa, i fo fé bann zéfor é donn de nout tan. Pourtan, su bann rézo sosial, ou pe fé aou bann « kamarad » rienk avèk in klik. Kom su lintèrnèt domoun i pe prévoi égzakteman a lavans sak zot sar di, é invant azot in vi, lé fasil pou zot kachièt kisa zot i lé vréman. Donk, vodré mieu ke ou fiks aou bann règ bien prési pou choizi out bann kamarad. Si in moun ke ou koné pa vréman i ve èt out kamarad, san pa ou jéné pou rejèt ou inior son demann, jus parske ou la peur vèks ali. Kom i pe èt danjereu, na in pe i sar pa dutou su bann rézo sosial. Parkont, si ou désid rouv in kont su in rézo sosial, kosa ou doi pa oublié ?

GARD LE VIDÉO FÉ ATANSION KAN OU ANSÈRV BANN RÉZO SOSIAL !, APRÉSA RÉPONN BANN KÉSTION LA :

• 

  Avan mèt in foto ou ékri in nafèr su in rézo sosial, su kosa ou doi réfléchi ?

• 

  Kan nou choizi nout bann kamarad su lintèrnèt, akoz i fo nou fé atansion ?

• 

  Poukosa i fo limit le tan ke nou pas su in rézo sosial ? (Éféz 5:15, 16).