Kontrol out bann zanvi

Kom nou lé bann moun inparfé, nou doi sobat toultan pou kontrol nout bann zanvi. Si nou fé tout sak nou la anvi, riskab Jéova i rejèt anou. Par égzanp, désèrtin i fé pas an premié zot vant, zot labiman, oubien lanvi gingn in kaz, avan zot lamour pou Bondieu. Na in pe i kontant zot bann lanvi séksuèl, san fé in kont èk bann komannman Bondieu (Rom 1:26, 27). Dot ankor, i lès domoun fors azot fé sèrtin zafèr, parske zot i ve èt émé é aksépté par banna (Égzod 23:2).

Koman kontrol nout bann zanvi ? Fé tout nout posib pou rès okupé par bann zafèr spirituèl (Mat 4:4). Nou gingn osi ansupli Jéova pou ke li èd anou kontrol nout bann zanvi. Poukosa ? Parske li koné kosa lé mieu pou nou, é koman kontant bann zanvi normal ke nou néna (Ps 145:16).

GARD LA VIDÉO LÈS PA OUT VI DISPARÈT KOM LA FUMÉ, APRÉSA RÉPONN BANN KÉSTION LA :

• 

  Poukosa désèrtin i fum ?

• 

  Kosa i pe ariv aou si ou fum sigarèt ?

• 

  Akoz lé pa bien fum sigarèt ou sigarèt vapeur ? (2 Kor 7:1).

• 

  Kosa ou pe fé pou pa komans fumé dutou oubien pou arèt fumé ?