Viv ereu pou toultan ! Detroi ti konsèy

Èske ou ièm bann vidéo é bann késtion lopinion, ke néna dann liv Viv ereu pou toultan ! ? É kosa ou pans de bann parti « Nadfoi domoun i di », « Sak mi doi fé » é « Gard sa osi » ? Ala detroi ti zidé ki pouré èd aou kan ou fé in létud la Bib (Mat 28:19, 20) :

Dokuman numérik : Si ou préfèr ansèrv le liv an vèrsion papié, kan mèm sa ou pe alé su tout bann vidéo é dot dokuman numérik. Koman ? Dan le vèrsion numérik, choizi inn anparmi lé kat parti. Andsou la lis bann leson, néna in lien ki amèn dirèk vèr tout bann dokuman numérik an rapor èk le parti ke ou la choizi (gard le zimaj 1).

Le « Mode Image » : Si ou fé in létud la Bib avèk le vèrsion numérik, tanzantan ou va trouv bien pas an « Mode Image ». Anlèr la paj in leson, dan le bar zouti, pèz su le troi ti poin, aprésa choizi « Mode Image ». Le fason i afich, va èd anou voir klèrman koman le bann zidé lé lié avèk le tit le leson. Pou arpas an afichaj numérik, arpèz su le troi ti poin, aprésa choizi « Mode Texte » (sinonsa klik su le ti désin mov anba le paj).

« Èske mi lé pré ? » : Bann ti kad la, ke lé vèr la fin le liv, i repran bann kondision inportan ki fo ranpli pou prèch èk lasanblé é pou pran batèm (gard le zimaj 2).

Bann not : Dan le bann not, néna bann zésplikasion an plus su désèrtin sujé inportan. Dan le liv an vèrsion numérik, néna in lien a la fin le bann not ki ramèn aou dan le leson ousa ou lé (gard le zimaj 2).