Prépar anou koméla mèm ankak i fo trèt vitman in problèm santé

Poukosa lé inportan fé sa ? D’in kou, i pe arivé ke ninport kisa, la bezoin rant lopital, oubien lé oblijé règ vitman in problèm santé. Donk, prépar aou a lavans. Fé sak i fo pou anprofit bann zèd ke ou pe ganié, pou soign aou le méyeur fason posib. Parsa, ou va mont ke ou na réspé pou la vi é osi pou la loi Jéova su le san (Akt 15:28, 29).

Kosa nou pe fé a lavans ?

• Pri Bondieu pousa é pran le tan osi pou bien ranpli le ti feuy Instructions médicales/Désignation d’une personne de confiance (carte DPA)a. In proklamateur batizé i pe demann in kart DPA avèk le résponsab publikasion. Si son bann marmay la pokor gingn 18 an, alor li va demann le feuy Attestation individuelle (carte ic).

• In proklamateur ansint va demann bann zansien le feuy Informations pour les femmes enceintes (S-401). Ti feuy la, va èd aèl pran bann bon désizion ankak na konplikasion kan li atann son zanfan é pandan lakouchman.

• Si ou doi fé soign aou é ke riskab i fo mèt le san, oubien i fo ou rant lopital, prévien a lavans out bann zansien. Fé konèt sak i travay lopital, ke ou èmré k’in Témoin Jéova i vien vizit aou.

Koman bann zansien i pe édé ? Bann zansien i pe èd aou ranpli out kart DPA. Parkont, banna va pa désid rien out plas pou out santé, é zot va pa donn zot prop zidé su bann zafèr ousa ou touseul i doi prann in désizion (Rom 14:12 ; Gal 6:5). Kan ou va di azot ke pou soign aou, riskab nora problèm le san, vitman bann zansien va kontak le komité liézon ospitalié pou ou.

Koman le komité liézon ospitalié i pe édé ? Sak lé dann komité liézon ospitalié, la été formé pou èd bann dokteur é sak i travay pou la justis, pou konprann akoz bann Témoin Jéova i mèt pa le san. Banna i pe koz èk out dokteur su bann moiyin pou soign san mèt le san. Si ou la bezoin, banna i pe èd aou trouv in dokteur ke lé dakor pou soign aou san mèt le san.

GARD LE VIDÉO KOMAN PRAN BANN DÉSIZION PAR RAPOR LE SAN ?, APRÉSA RÉPONN KÉSTION LA :

• Dann vidéo la, kosa i èd aou prépar aou ankak ou doi fé soign aou vitman mé ke na problèm le san ?

  Out répons