28 AVRIL – 4 MÉ

PROVÈRB 11

Kantik 90 èk la priyèr | Dé ti parol pou komansé (1 min)

BANN TRÉZOR DAN LA PAROL BONDIÉ

1. Arèt di bann zafèr komsa !

(10 min)

Alon pa di bann kozman k’i pé blès nout « prochin » (Prov 11:9 ; w02-F 15/5 26 § 4).

Alon pa di bann kozman pou mèt la divizion (Prov 11:11 ; w02-F 15/5 27 § 2-3).

Alon pa révèl bann zafèr, ké lé zot lé pa an droi konèt (Prov 11:12, 13 ; w02-F 15/5 27 § 5).

Dé frèr lé antrinn koz ansanm la sal. Inn an parmi lé dé frèr, i malparl in not frèr k’i vien vèr zot.

POU RÉFLÉCHI DÉSI : Koman bann parol Jézu dann Luk 6:45, i èd anou rojèt bann kozman k’i blès ?

2. Bann ti pèrl dan la Bib

(10 min)

Prov 11:17 : Akoz nou san anou bien, kan nou fé lo bien anvèr lé zot ? (g20.1-F 11, lankadré).

Out répons
Kèl ti pèrl ou la trouvé dan out lèktur la Bib pou somèn-la ?

Out répons

3. Lèktur la Bib

(4 min) Prov 11:1-20 (th loson 5).

DÉVIEN PLI GABIÉ DAN LA PRÉDIKASION

4. Promié diskusion

(4 min) TÉMOINIAJ INFORMÈL. Rod lokazion pou di lo moun in zafèr ou la aprann dan in rénion dèrnié kou (lmd loson 2 poin 4).

5. Vizit

(4 min) TÉMOINIAJ INFORMÈL. Fé mont lo moun in vidéo k’i fé parti nout kès zouti lamontrèr, aprésa koz dési èk li (lmd loson 8 poin 3).

6. Létud la Bib

(4 min) TÉMOINIAJ PUBLIK. Propoz lo moun in létud la Bib, aprésa fé mont ali koman i èspas in létud (lmd loson 10 poin 3).

NOUT VI KRÉTIEN

Kantik 157

7. Ansèrv pa out lang kom in zouti pou kas la pé !

(15 min). Diskusion.

Kom nou lé inparfé, i pé ariv nout tout pèch an parol (Jak 3:8). Parkont, kan nou majine kèl léfé nout bann kozman i pé aoir, sa va défand anou di bann zafèr ké nou pouré rogrèté. Ala détroi kozman k’i pé kas la pé dan lasanblé :

Kozman vantar. Fé lo vantar, sé mèt anou anlèr, sa i pé amèn lanvi é i pé pous anou ésèy la otèr ansanm inn é lot, sétadir fé konpétision ant inn é lot (Prov 27:2).
Kozman mantèr. Sé kan in moun i rakont la mansonjri, ou i di bann zafèr pou tronp lé zot. Mèm inn ti zafèr malonèt, i pé kas la konfians é i pé sali la réputasion in moun (Ékl 10:1).
Kozman ladilafé k’i mèt dézord. Sé bann kozman inutil, dési domoun é dési zot vi, mé k’i déform la vérité, oubien i révèl bann zafèr ké lé zot la pa bézoin konèt (1 Tim 5:13). Sa i pé amèn ralé-pousé èk la divizion.
Kozman plin la kolèr. Sé dévid tout son kolèr su lo moun, ké la kontray anou (Éféz 4:26). Koz èk kolèr i pé vréman blès lé zot (Prov 29:22).

Zimaj tiré dan lo vidéo « “Alon jèt” sak i anbar la pé (inn ti bout) ». 1. Émilie et Célia lé asiz inn an fas lot dan in landroi pou boir kafé. Célia i rogard dési in téléfone in zafèr ké Éline la mèt dési in lintèrnèt. 2. Dési lo parking la sal, Éline i dévid son kolèr su Célia.

Mont lo VIDÉO « Alon jèt » sak i anbar la pé : (inn ti bout). Aprésa poz kèstion-la :

Nout bann kozman i pé aoir in léfé su la pé dan lasanblé. Kèl loson nou tir ladsi ?

Out répons

Pou dékouv koman la romèt la pé, rogard lo vidéo « Alon rod la pé é kontinué chèrch ali ».

8. Létud la Bib lasanblé

(30 min) bt chap. 25 § 14-21.