9-15 JUIN

PROVÈRB 17

Kantik 157 èk la priyèr | Dé ti parol pou komansé (1 min)

BANN TRÉZOR DAN LA PAROL BONDIÉ

Dan zot kaz sinp-sinp, in koup izraélit la pou manj inn ti zafèr sinp, é sé rienk dopin. — In mésié èk son madam Israélit i manj inn ti zafèr sinp, dan in landroi bien trankil.

1. Viv an pé dan lo mariaj

(10 min)

I fo fé bonpé zéfor pou gard la pé, mé sa, va aport bann bon zafèr dan lo mariaj (Prov 17:1 ; gard lo zimaj).

Pa bézoin rod lo bout pou inn ti rien ditou (Prov 17:9 ; g-F 9/14 11 § 2).

Kontrol nout bann zémosion (Prov 17:14 ; w08-F 1/5 10 § 6 - 11 § 1).

Sé in koup dann tan la Bib, banna lé rich mé zot lé malèré, banna lé asiz dovan in tab garni avèk in ta bon kalité zafèr pou manjé. Zot dé i kroiz zot bra, é tandik lo mari la pou kozé, lo fanm i rogard in not koté, komsi li lé pa la, èk son mari.

2. Bann ti pèrl dan la Bib

(10 min)

Prov 17:24 : Par koman, ‘lo moun bèt, i lès son zié trèné juska lot bout la tèr’ ? (it-2 432-433).

Out répons
Kèl ti pèrl ou la trouvé dan out lèktur la Bib pou somèn-la ?

Out répons

3. Lèktur la Bib

(4 min) Prov 17:1-17 (th loson 10).

DÉVIEN PLI GABIÉ DAN LA PRÉDIKASION

4. Promié diskusion

(3 min) TÉMOINIAJ INFORMÈL. (lmd loson 3 poin 5).

5. Promié diskusion

(4 min) TÉMOINIAJ PUBLIK. Propoz in létud la Bib (lmd loson 6 poin 4).

6. Diskour

(5 min) ijwbv-F lartik 60. Tèm : Quelle est la signification de Proverbes 17:17 ? (th loson 13).

NOUT VI KRÉTIEN

Kantik 113

7. Pran labitud fé bann zafèr, k’i done azot lokazion koz ansanm inn é lot

(15 min). Diskusion.

Pou viv éré dan la famiy, lé inportan ké chakèn i pran in tan pou koz avèk inn é lot. Kan dan la famiy, chakèn lé alèz pou kozé, zot lé kom in lékip soudé. Alor, zot i gingn avans ansanm, pou fé sak zot la désidé, é zot i gingn soutien azot dan bann moman difisil (Prov 15:22). É zot astèr, kosa zot i pé fé, pou ké chakèn dan la famiy, lé alèz pou koz ansanm inn é lot ?

Pran labitud rotrouv azot ansanm (Dét 6:6, 7). Lé bien ké la famiy lé ansanm, pou fé bann zafèr la vi tou lé jour, pou fé bann zaktivité spirituèl é pou détand azot. Tousa i ranfors lamour é la konfians pou inn é lot. Sa i done azot lokazion koz ansanm, dan in bon ti lanbians. Nadfoi, i fodra ou mèt in koté out préfèrans, pou fé sak lé zot la anvi (Fil 2:3, 4). Mé bann bon zafèr zot va gingné èk lo tan, i vo vréman lo kou ! Koman la famiy i pé ansèrv lo méyèr fason posib, lo tan ké zot i pas ansanm ? (Éféz 5:15, 16).

Zimaj tiré dan lo vidéo « Alon suiv le seul chemin i amèn la pé dan la kaz : Koz kom ki fo ». Lo famiy lé bien kontan partaj inn ti gazon.

Mont lo VIDÉO Alon suiv le seul chemin i amèn la pé dan la kaz : Koz kom ki fo. Aprésa poz bann kèstion-la :

Kèl léfé bann zaparèy élèktronik i pé aoir, su bann zokazion nou néna, pou koz ansanm inn é lot dan la famiy ?

Out répons
Kosa zot la aprann ankor dann vidéo-la, pou aoir bann gayar ti diskusion ansanm inn é lot ?

Out répons

Ékout bien (Jak 1:19). In marmay sra plis alèz pou kozé, parské li la pa pèr èt mal jujé, oubien mal konpri. Alor fé out posib pou évit sot an lèr, si out zanfan i di in zafèr k’i trakas aou (Prov 17:27). Ékout ali é ésèy mèt aou son plas. Ésèy konpran sak li pans é son bann santiman, komsa ou va rasur ali oubien ou va èd ali èk plin lamour.

8. Létud la Bib lasanblé

(30 min) bt chap. 27 § 19-22 èk lankadré paj 212.