30 JUIN – 6 JULIÉ

PROVÈRB 20

Kantik 131 èk la priyèr | Dé ti parol pou komansé (1 min)

BANN TRÉZOR DAN LA PAROL BONDIÉ

1. Bann bon konsèy pou frékanté é pran lo bon désizion

(10 min)

Tien kont koman Jéova i oi bann frékantasion (Prov 20:24, 25 ; w24.05-F 26-27 § 3-4).

Gard bien koman lo moun i lé, avan désid frékant ali (Prov 20:18 ; w24.05-F 22 § 8).

Kan zot lé antrinn frékanté, aprann bien konèt azot inn é lot (Prov 20:5 ; w24.05-F 28 § 7-8).

Dan inn ti moman détant ant kamarad, in frèr é inn sèr k’i frékant, la pou bien koz ansanm. Par dérièr, néna dot frèr é sèr k’i pas in gayar ti moman ansanm.

ROTIEN SA : Kan dé moun i frékant kom k’i fo, sa va èd azot pran lo bon désizion : soi zot i marié, soi zot i arèt tout.

2. Bann ti pèrl dan la Bib

(10 min)

Prov 20:27 : Kosa nou konpran, kan i di « lo souf k’i sort d’in moun » lé la « lanp Jéova » ? (it-2-F 109 § 9).

Out répons
Kèl ti pèrl ou la trouvé dan out lèktur la Bib pou somèn-la ?

Out répons

3. Lèktur la Bib

(4 min) Prov 20:1-15 (th loson 5).

DÉVIEN PLI GABIÉ DAN LA PRÉDIKASION

4. Promié diskusion

(4 min) KAZ AN KAZ. Lo moun i di aou, ké li la kit son péi é li la arivé na poin tro lontan (lmd loson 3 poin 3).

5. Vizit

(4 min) TÉMOINIAJ PUBLIK. Fé konèt lo moun JW Library^®, é èd ali télécharj laplikasion su son téléfone ou in not laparèy (lmd loson 9 poin 5).

6. Èsplik kosa ou kroi

(4 min) Démonstrasion. ijwbq lartik 159. Tèm : Èské bann zanimo i sa va dann sièl ? (lmd loson 3 poin 4).

NOUT VI KRÉTIEN

Kantik 78

7. Propoz domoun pou ésèy étudié la Bib

(5 min). Diskusion.

Kan nou sar prèché, lo zafèr inportan ké nou fé, sé ankouraj domoun pou étudié la Bib. Lé vré, koman nou pé èd in moun vni in disip lo Kris, si nou étudié pa la Bib ansanm li ? (Rom 10:13-15). Alor, kan ou prèch kaz an kaz, akoz ou viz pa lobjèktif, propoz dirèk in létud la Bib, é sa lo pli souvan posib ? Dabor, ésèy oir kèl sujé i pé intérès lo moun k’ou la pou koz avèk. Aprésa, mont ali koman létud la Bib i pé répond son bann kèstion, é koman i pé done ali bann bon konsèy pou la vi tou lé jour.

Lo lien jw.org pou alé dési « Ésèy nout létud la Bib ».

Pou propoz in létud la Bib, ansèrv lo lien « Ésèy nout létud la Bib » su jw.org.

Koman ou pé ansèrv lo lien « Ésèy nout létud la Bib » pou propoz domoun in létud ?

Out répons
Dann téritoir ousa ou prèch, kèl fason d’fé ou trouv i march bien, kan ou propoz létud la Bib ?

Out répons