18-24 OUT
PROVÈRB 27
Kantik 102 èk la priyèr | Dé ti parol pou komansé (1 min)
1. Sak bann vré dalon i pé aport anou
(10 min)
Bann vré dalon néna kouraj done anou bann konsèy ké nou la bézoin (Prov 27:5,6 ; w19.09-F 5 § 12).
Nadkou, bann vré dalon i pé èt mié plasé pou èd anou, k’in moun nout prop famiy (Prov 27:10 ; it-2 669 § 7).
Bann vré dalon néna in bon linfluans dési nou (Prov 27:17 ; w23.09-F 10 § 7).
2. Bann ti pèrl dan la Bib
(10 min)
Prov 27:21 : Kan nou gingn bann konpliman èk bann félisitasion, koman nout réaksion i mont kèl kalité domoun nou lé ? (w06-F 15/9 19 § 12).
Kèl ti pèrl ou la trouvé dan out lèktur la Bib pou somèn-la ?
3. Lèktur la Bib
(4 min) Prov 27:1-17 (th loson 5).
4. Promié diskusion
(3 min) KAZ AN KAZ. Lo moun lé dan in rolijion ké lé pa krétien (lmd loson 6 poin 5).
5. Vizit
(4 min) TÉMOINIAJ INFORMÈL. Fé mont lo moun in vidéo k’i fé parti nout kès zouti lamontrèr, aprésa koz dési èk li (lmd loson 8 poin 3).
6. Diskour
(5 min) ijwyp lartik 75. Tèm : Kosa i fo fé si in kamarad la blès amoin ? (th loson 14).
Kantik 109
7. « In frèr ké ou pé kont dési kan ou lé dann dépitasion »
(15 min). Diskusion.
Jéova i akèy anou dan in famiy bann frèr é sèr, ké lé partou dési la tèr, é ladan nou trouv bann vré dalon k’i èm anou vréman. Lé vré, surman nou lé kamarad èk bonpé domoun nout lasanblé, mé èk konbien nou lé vréman proch kamarad ? Bann vré lamitié lé bazé dési la konfians. Bann vré kamarad i koz èk lo kèr ansanm inn é lot, i konpran inn é lot, i fé bann zaktivité ansanm, é i èd inn é lot san atand rien an rotour. Donk pou fé anou bann kamarad komsa, i domand lo tan èk bann zéfor.
Lir Provèrb 17:17. Aprésa poz kèstion-la :
Poukosa lé saj aoir bann kamarad dépi koméla mèm, avan lo gran détrès i komans ?
Lir 2 Korintien 6:12, 13. Aprésa poz kèstion-la :
Kan nou aplik bann vèrsé-la, akoz sa i pé èd anou fé bann kamarad ?
Mont lo FIM « Néna in tan pou tout zafèr » : Fé kamarad i pran lo tan. Aprésa poz kèstion-la :
Kosa lo fim la aprann aou dési lamitié ?
Avèk inn ti sourir ou in janti ti bonjour, ou pé komans tonb kamarad èk in moun. Nou pé konpar sa komsi ou sèm inn ti grin. Aprésa, kan chakèn i fé vréman in kont ansanm inn é lot, sé komsi i aroz lo ti grin. Kom i pran lo tan pou fé pous inn ti grin, i fo osi lo tan pou fé anou bann bon kamarad. Alor fé mont la pasians. Pétèt lo lamitié ké la komansé, i pouré dur pou toultan.
8. Létud la Bib lasanblé
(30 min) lfb zistoir 10-11.