15-21 SÈKTANM

PROVÈRB 31

Kantik 135 èk la priyèr | Dé ti parol pou komansé (1 min)

BANN TRÉZOR DAN LA PAROL BONDIÉ

In momon, lé asiz èk son fi dann fotèy, èl néna inn ti diskusion trankil é plézab èk son fi.

1. Sak nou aprann su bann konsèy plin lamour d’in momon

(10 min)

Aprann nout marmay sak Jéova i pans dési lo mariaj é lo sèks (Prov 31:3, 10 ; w11-F 1/2 19 § 7-8).

Èd nout marmay aoir lo fason pansé Jéova dési lalkol (Prov 31:4-6 ; ijwhf-F lartik 4 § 11-13).

Amont nout marmay èd lé zot, parèy kom Jéova i fé (Prov 31:8, 9 ; g17.6-F 9 § 5).

2. Bann ti pèrl dan la Bib

(10 min)

Prov 31:10-31 : Kosa té èd bann Zisraélit rapèl azot bann vèrsé dan bann Zékritur Ébré ? (w92-F 1/11 11 § 7-8).

Out répons
Kèl ti pèrl ou la trouvé dan out lèktur la Bib pou somèn-la ?

Out répons

3. Lèktur la Bib

(4 min) Prov 31:10-31 (th loson 10).

DÉVIEN PLI GABIÉ DAN LA PRÉDIKASION

4. Komans in diskusion

(3 min) TÉMOINIAJ INFORMÈL. Koz èk in moun k’i viend di, ou fé in zafèr janti pou ou, ousoi pou in not moun (lmd loson 5 poin 3).

5. Komans in diskusion

(4 min) KAZ AN KAZ. Koz dési in poin dan lo parti « Bann vérité la Bib vréman sinp » dan lo ti not n^o 1, dan lo ti brochur Èm domoun (lmd loson 1 poin 4).

6. Vizit

(5 min) KAZ AN KAZ. Lo moun la pran La Tour d’Gard n^o 1 pou lané 2025, invit ali pou lo diskour èspésial ké nora dan pa lontan (lmd loson 7 poin 4).

NOUT VI KRÉTIEN

Kantik 121

7. Èd zot marmay ansèrv in fason rézonab zot téléfone ou dot zaparèy

(8 min). Diskusion.

Èské ou la fine oir inn ti marmay èk in téléfone oubien in tablèt dan son min ? Andiré ansèrv bann zaparèy-la, sé in brèd pou zot ! Lé rar ké banna la bézoin lèd pou aprann ansèrv tousa. Mé parkont, zot la toujour bézoin lèd pou aprann ansèrv sa, èk sajès. Alor koman bann papa momon, i pé aprann zot marmay ansèrv in fason rézonab bann zaparèy-la ?

Zimaj tiré dan lo vidéo « Lo méyèr fason ansèrv out tan ». Sofia lé alonjé dési la plaj, li lé dési son tablèt, akoz sa, li oi pa lo dofin jus koté li dan la mèr, ké lé antrinn joué avèk in balon.

Mont lo VIDÉO Lo méyèr fason ansèrv out tan. Aprésa poz bann kèstion-la :

Akoz lé bien ké nou limit lo tan nou pas su téléfone oubien dot zaparèy ?

Out répons
Pou kèl kalité zafèr ankor, nou doi rézèrv nout tan ?

Out répons

Kan ou mèt an plas bann règ dan out famiy, baz aou su bann prinsip la Bib olèrk suiv sak dot paran i fé (Gal 6:5). Par égzanp, poz aou bann kèstion-la :

Èské mon marmay la amont amoin, ké li gingn pran bann bon désizion ? Èské li la amont amoin, ké li gingn kontrol ali, pou ansèrv mon téléfone oubien pou aoir son prop téléfone ? (1 Kor 9:25).
Èské mi dévré lès mon marmay ansèrv in téléfone ou dot zaparèy, kan li lé tousèl ? (Prov 18:1).
Kèl zaplikasion é kèl sit lintèrnèt mi lès ali alé dési, é lékèl mi vé pa li sava dési ? (Éféz 5:3-5 ; Fil 4:8, 9).
D’in fason rézonab, konbien d’tan mi dévré lès ali dési téléfone ou dot zaparèy chak jour, komsa i lès ali asé lo tan pou bann zaktivité inportan ou pou dot lamuzman ? (Ékl 3:1).