13-19 OKTOB

ÉKLÉZIAS 7-8

Kantik 39 èk la priyèr | Dé ti parol pou komansé (1 min)

BANN TRÉZOR DAN LA PAROL BONDIÉ

1. « Alon landroi ousa i fé lo dèy »

(10 min)

Pran in tan pou konsol sak lé an dèy (Ékl 7:2 ; it-F « Deuil » § 9).

Konsol sak lé an dèy é pousa koz dési bann joli kalité lo moun ké lé mor lavé (Ékl 7:1 ; w19.06-F 24 § 15).

Pri ansanm bann moun ké lé an dèy (w17.07-F 16 § 16).

In bonom èk son madam lé la kaz in frèr ké la pèrd son madam. Banna i amont ali bann foto ousa néna bann gayar moman zot la pas avèk lo madam.

ROTIEN SA : Sak lé an dèy la bézoin lo soutien son bann frèr é sèr krétien, pa rienk lo jour lantèrman mé osi bien lontan aprésa (w17.07-F 16 § 17-19).

2. Bann ti pèrl dan la Bib

(10 min)

Ékl 7:20-22 : Koman bann vèrsé-la, va èd anou konèt si i fo vréman nou sar oir in moun ké la blès anou ? (w23.03-F 31 § 18).

Out répons
Kèl ti pèrl ou la trouvé dan out lèktur la Bib pou somèn-la ?

Out répons

3. Lèktur la Bib

(4 min) Ékl 8:1-13 (th loson 10).

DÉVIEN PLI GABIÉ DAN LA PRÉDIKASION

4. Komans in diskusion

(2 min) TÉMOINIAJ PUBLIK. Ésèy konèt kèl sujé i intérès lo moun, é aranj aou pou rovoi ali (lmd loson 2 poin 4).

5. Komans in diskusion

(2 min) TÉMOINIAJ INFORMÈL. (lmd loson 2 poin 3).

6. Vizit

(2 min) KAZ AN KAZ. Fé konèt lo moun nout sit jw.org (lmd loson 9 poin 4).

7. Èsplik kosa ou kroi

(5 min) Démonstrasion. ijwfq lartik 50. Tèm : Koman i èspas lantèrman in Témoin Jéova ? (th loson 17).

NOUT VI KRÉTIEN

Kantik 151

8. Ranfors nout foi dan la rézurèksion

(15 min). Diskusion.

Zimaj tiré dan lo vidéo « Alon pran légzanp su bann madam ke la foi lé for: Mart ». Mart èk Mari lé vréman kontan, zot i akèy zot frèr Lazar, k’i viend èt résusité.

Lo promès su la rézurèksion, sé inn an parmi bann vérité inportan ké néna in gran valèr pou nou. Sa i amont bann kalité ké Jéova néna : son gran pouvoir, son sajès, son mizérikord, é surtou lamour ké li néna pou chak moun (Jan 3:16).

Kom nou néna in gran foi dan la rézurèksion, nou rès kalé su nout lèspérans é nou trakas pa tro akoz nout bann problèm (2 Kor 4:16-18). Sé lèspérans k’i apèz nout kèr é i konsol anou, kan nou lé maltrèté akoz nout kroiyans, kan néna la maladi oubien la mor (1 Tés 4:13). Si nou na poin la foi dan la rézurèksion, nou pé pa èt vréman éré (1 Kor 15:19). Akoz ou ésèy pa ranfors out foi dan gayar lèspérans-la ?

Lir Jan 11:21-24. Aprésa poz bann kèstion-la :

Koman i oi ké Mart navé in foi ké lé for dan la rézurèksion ?

Out répons
Gras son foi, kèl rékonpans Mart la gingné ? (Jan 11:38-44).

Out répons

Mont lo VIDÉO Alon pran légzanp su bann madam ke la foi lé for : Mart. Aprésa poz bann kèstion-la :

Akoz lèspérans la rézurèksion néna in gran valèr pou ou ?

Out répons
Kosa ou pé fé pou gard in foi ké lé for dan la rézurèksion ?

Out répons

9. Létud la Bib lasanblé

(30 min) lfb zistoir 26-27.