22-28 DÉSANM
IZAI 11-13
Ti chanté no 14 èk la priyèr | Dé ti parol pou komansé (1 min)
1. Kèl kalité d’moun sré lo Mési ?
(10 min)
Li sré in désandan Jésé par son garson David (Izai 11:1 ; ip-1-F 159 § 4-5).
Li té sar aoir lèspri sin Jéova é in gran rèspé pou Jéova (Izai 11:2, 3a ; ip-1-F 159 § 6 ; 160 § 8).
Li té sar juj avèk justis é mizérikord (Izai 11:3b-5 ; ip-1-F 160 § 9 ; 161 § 11).
SUJÉ POU RÉFLÉCHI DÉSI : Poukosa Jézu lé pliméyèr ké ninport kèl dirijan dési la tèr ?
2. Bann ti pèrl dan la Bib
(10 min)
Izai 11:10 : Koman lo profési ladan, la réalizé ? (ip-1-F 165-166 § 16-18).
Kèl ti pèrl ou la trouvé dan out lèktur la Bib pou somèn-la ?
3. Lèktur la Bib
(4 min) Izai 11:1-12 (th loson 11).
4. Komans in diskusion
(3 min) KAZ AN KAZ. (lmd loson 2 poin 5).
5. Vizit
(4 min) TÉMOINIAJ PUBLIK. Ansèrv lo sit jw.org pou répond in kèstion ké lo moun i poz aou (lmd loson 8 poin 3).
6. Fé bann disip
(5 min) Èd out létudian prépar ali, pou prèch sanm ou kaz an kaz (lmd loson 11 poin 4).
Ti chanté no 57
7. Èské ou « juj avèk justis ? »
(15 min). Diskusion.
Chak jour, nou port bann jujman dési domoun, parfoi san rand anou kont. Somanké, nou néna labitud fé anou in lopinion rienk su sak nou oi dovan nout zié. Mé, Jézu nout Légzanp, i juj pa domoun komsa (Izai 11:3, 4). Lé vré, Jézu lé kapab lir dann kèr domoun é oir zot bann pansé, zot fason rézoné é kosa i pous azot pou fé in zafèr. Nou, nou gingn pa fé sa. Parkont, nou pé fé nout méyèr posib pou imit Jézu. Li la di : « Arèt jujé dapré sak zot zié i oi, mé juj avèk justis » (Jan 7:24).
Dann prédikasion, si nou juj domoun dapré sak nout zié i oi, sa i pouré kal anou é riskab nou pèrd nout joi é nou nora moin rézulta. Par égzanp, èské nou ézit prèché dan bann kartié ousa néna domoun in not ras ou in not rolijion ? É dan bann kartié ousa néna domoun rich ? Oubien dan bann kartié pov ? Èské nou baz anou rienk dési laparans in moun, pou di ké li sar pa ékout anou ? Bondié i vé ké « tout kalité domoun i gingn la vi é i gingn in konésans égzak su la vérité » (1 Tim 2:4).
Mont lo VIDÉO Alon tir loson dési La Tour d’Gard : Juj pa dapré laparans. Aprésa poz bann kèstion-la :
Su kosa banna té port in mové jujman dan lo vidéo ?
Si jamé nou port mové jujman su nout bann frèr é sèr, kèl léfé i pé aoir dési lasanblé ?
Kosa la èd bann krétien ké la kozé dan lo vidéo, évit jujé dapré laparans ?
Dan lartik La Tour d’Gard-la, kèl loson ou tir pou ou mèm ?
8. Létud la Bib lasanblé
(30 min) lfb zistoir 46-47.