Adan é Èv la ékout Satan. Kosa la arivé apré ?

Adan é Èv la pa obéi Bondieu, zot lé mor (Jenèz 3:6, 23).

Èv la ékout le sèrpan é la manj le frui. Aprésa èl la donn Adan é li la manjé osi.

Sak zot la fé lété mal. Lété in péché. Bondieu la poursuiv a zot an deor le joli jardin ousa zot té viv.

La vi lé vnu difisil pou zot èk zot zanfan. Adan é Èv la viéi é zot lé mor. Zot lé pa parti dann sièl, ni okin landroi, zot la arèt viv.

Bann mor lé san vi. Zot i devien la pousièr (Jenèz 3:19).

Nou mor parske nou lé désandan Adan é Èv. Bann mor lé pa kapab voir ni antann, é zot i gingn pu fé rien (Éklézias 9:5, 10).

Jéova té ve pa ke nou mor. I tard pa, li va résusit bann mor. Si banna i ékout a li, zot va viv pou toultan.