PARTI 8

Kosa la mor Jézu i aport a nou ?

Jézu lé mor pou ke nou gingn la vi (Jan 3:16).

Bann madam i regard la tonm Jézu, ke lé vid

Troi jour apré la mor Jézu, detroi madam la vu ke son tonm lété vid. Jéova lavé fé reviv Jézu.

Jézu la aparèt devan son bann zapot, aprésa li mont dann sièl

Aprésa, Jézu la aparèt devan son bann zapot.

Jéova la résusit Jézu. Li la artourn in lanj puisan ke va jamé konèt la mor. Apré, son bann disip la vu a li mont dann sièl.

Bondieu la résusit Jézu é la mèt a li Roi son gouvèrnman (Danièl 7:13, 14).

Depui son tronn dan le Roiyom, Jézu i gouvèrn bann zumin ke i viv dann Paradi su la tèr

Jézu la donn son vi an ranson pou libèr a nou d’la mor (Matieu 20:28). Gras ranson la, Bondieu i pèrmèt a nou viv pou toultan.

Jéova la mèt Jézu Roi su tout la tèr. Nora 144000 moun fidèl va viv èk li dann sièl apré zot mor. Jézu èk banna i form in gouvèrnman jus ke lé dann sièl : sé le roiyom Bondieu (Révélasion 14:1-3).

Gouvèrnman Bondieu va fé in Paradi su la tèr. La gèr, le krim, la mizèr èk la faminn nora pu. Tout domoun sra vréman ereu (Psom 145:16).