Bann fo relijion i fé ont Bondieu

Si Bondieu lé amour, poukosa bann relijion ki di reprézant ali i fé in bonpe le mal komsa ? Lé sinp, sé parske bann relijion la lé fo ; zot i fé ont Bondieu. Koman banna i fé ont ali ? Kosa Bondieu i pans de sa ? É kosa li va fé èk bann relijion la ?

1. Poukosa sak bann fo relijion i ansègn, i fé ont Bondieu ?

Bann fo relijion la « échanj la vérité Bondieu kont le mansonj » (Romin 1:25). Par égzanp, la plupar bann relijion i fé pa konèt le non Bondieu zot bann kroiyan. Pourtan, la Bib i di bien ki fo utiliz le non Bondieu (Romin 10:13, 14). An plus, désèrtin chèf la relijion i di ke, kan in maleur i ariv, sé la volonté Bondieu. Mé sa lé manteur. Jamé Bondieu i fé le mal (lir Jak 1:13). Maleureuzman, tout bann zafèr manteur la relijion i ansègn, i anpèch domoun kos koté Bondieu.

2. Poukosa sak bann fo relijion i fé, i fé ont Bondieu ?

Bann fo relijion i aji pa èk domoun kom Jéova i fé. La Bib i di ke bann péché bann fo relijion « la anpilé juska ariv dann sièl » (Révélasion 18:5). Depui dann tan lontan, bann relijion i may azot dan la politik é i soutien bann gèr. Zot i provok oubien zot lé dakor avèk la mor domoun par milion. Désèrtin chèf la relijion i viv dan la richès é zot i demann larjan zot bann kroiyan pou pèy zot bèl vi. Tout sak zot i fé i prouv ke bann relijion la, i koné pa vréman Bondieu é zot na ankor moin le droi reprézant ali (lir 1 Jan 4:8).

3. Kosa Bondieu i resan pou bann fo relijion ?

Si sak bann fo relijion i fé i mèt aou an kolèr, majinn in pe kosa Jéova i resan ! Li ièm domoun, mé li lé an kolèr avèk bann chèf la relijion ki fé ont ali é ki maltrèt zot bann kroiyan. Li promèt ke bann fo relijion i sra détrui é ke « plu jamé nou va retrouv [azot] » (Révélasion 18:21). I tard pa, Bondieu va fé disparèt tout bann fo relijion (Révélasion 18:8).

ALON APRANN PLUS

4. Bondieu i aksèp pa tout bann relijion

Bonpe d’moun i pans ke bann relijion lé bann chemin diféran mé tout i amèn koté Bondieu. Mé èske sa lé vré ? Lir Matieu 7:13, 14 é koz su késtion la :

• Koman la Bib i dékri le chemin ki amèn juska la vi ?

Gard le VIDÉO é koz su le késtion ki vien apré.

VIDÉO : Èske Bondieu lé dakor avèk tout bann relijion ? (inn ti morso) (3:22)

• Èske la Bib i di ke Bondieu lé dakor avèk in bonpe relijion ?

5. Bann fo relijion i imit pa lamour Bondieu

Bann relijion i fé ont Bondieu in bonpe fason. Par égzanp, tout domoun i koné koman zot la may azot dan bann gèr. É sa lé tris. Gard le VIDÉO é koz su bann késtion ki vien apré.

VIDÉO : Sak bann Zégliz la fé dann Deuzièm Gèr mondial (2:22)

• Kosa bonpe Zégliz la fé pandan le Deuzièm Gèr mondial ?

• Kosa ou pans de sa ?

Lir Jan 13:34, 35 é 17:16. Aprésa, koz su bann késtion la :

• Dapré ou, kosa Jéova i resan kan bann relijion i may azot dan la gèr ?

• Bann fo relijion i fé in bonpe le mal. Èske ou pouré sit bann zégzanp ki fémont ke bann fo relijion i imit pa lamour Bondieu ?

6. Bondieu i ve libèr domoun de bann fo relijion

Lir Révélasion 18:4a é koz su késtion la :

• Kosa sa i fé aou konèt ke Bondieu i ve èd domoun, ke la été tronpé par bann fo relijion ?

7. Kontinué aprann konèt le vré Bondieu

Èske sak bann fo relijion i di é i fé, i devré influans sak ou pans su Bondieu ? Majinn in zanfan i rejèt bann bon konsèy son papa. Li kit la kaz é li mèn la vi ninport koman. Le papa lé pa dakor èk sak son zanfan i fé. Poukosa i sré pa jus mèt loteur su le papa si son zanfan lé tèt dur ?

• Èske i sré jus mèt loteur su Jéova é arèt aprann konèt ali, akoz sak bann fo relijion i fé ?

SAK NOU LA APRANN

Bann fo relijion i fé ont Bondieu parske zot i ansègn bann zafèr manteur é zot i fé bann mové zafèr. Bondieu va détrui bann fo relijion.

Alon révizé

• Kosa ou pans su sak bann fo relijion i ansègn é i fé ?

• Kosa Jéova i resan pou bann fo relijion ?

• Kosa Bondieu va fé èk bann fo relijion ?

GARD SA OSI

2 gran katégori relijion ke Bondieu i ièm pa.

« Toutes les religions se valent-elles ? Mènent-elles toutes à Dieu ? » (lartik jw.org)

Poukosa Jéova i ve ke nou rasanm anou, nout tout ansanm, pou ador ali ?

« Est-il nécessaire d’appartenir à une religion organisée ? » (lartik jw.org)

In prèt la komans douté su son relijion, mé sa la pa anpèch ali aprann la vérité su Bondieu.

« Pourquoi un prêtre a quitté son Église » (Réveillez-vous !, février 2015)

Depui lontan, bann relijion i ansègn bann zafèr manteur su Bondieu. I fé pas Bondieu pou in moun ki fé pa in kont ansanm nou é ke lé mové. Mé kosa la Bib i ansègn vréman ?

« Des mensonges qui empêchent d’aimer Dieu » (La Tour de Garde, 1^er novembre 2013)