Kosa Jézu la fé kan li lété su la tèr ?

In bonpe domoun i voi Jézu kom inn ti bébé san défans, in profèt oubien in moun i sar mor. Mé kosa nou pe aprann ankor kan nou étudié son vi kan li lété su la tèr ? Nou va koz su désèrtin zafèr lé plu zinportan ke Jézu la fé, é nou va voir poukosa sa i konsèrn aou.

1. Kosa lété le travay le plus inportan ke Jézu la fé ?

Le travay le plus inportan ke Jézu la fé, lété « anons le gayar nouvèl le roiyom Bondieu » (lir Luk 4:43). Le gayar nouvèl ke li té prèch lété ke Bondieu va mèt an plas in roiyom, oubien in gouvèrnman, ke va règ tout bann problèm dan le monna. Jézu la prèch se mésaj léspoir la san arété, pandan 3 zan é demi (Matieu 9:35).

2. Kosa bann mirak ke Jézu la fé i prouv anou ?

La Bib i koz su in bonpe ‘zaksion puisan, bann mirak é bann sign ke Bondieu la fé, gras Jézu’ (Akt 2:22). Gras le pouvoir Bondieu, Jézu la gingn kontrol bann zéléman la natur, nouri bann milié domoun, géri bann malad, é mèm résusit bann mor (Matieu 8:23-27 ; 14:15-21 ; Mark 6:56 ; Luk 7:11-17). Bann mirak ke Jézu la fé, la prouvé ke li lété anvoiyé par Bondieu. Sa la prouvé osi ke Jéova na le pouvoir règ tout nout bann problèm.

3. Kosa nou aprann su la vi Jézu ?

Jézu la toultan obéi Jéova (lir Jan 8:29). Malgré bann difikulté, Jézu la fé tout sak son Papa la demann ali, juska la fin son vi. Li la prouvé ke bann zumin i pe sèrv Bondieu, mèm kan lé difisil. Dukou, Jézu la lès anou ‘in légzanp pou ke nou suiv fidèlman son bann tras’ (1 Pièr 2:21).

5. Jézu la ansègn bann vérité inportan

Jézu la prèch le gayar nouvèl le roiyom Bondieu, mé li la osi ansègn bann leson util pou nout vi. Alon voir detroi zégzanp dan le Sèrmon su la montagn. Lir Matieu 6:14, 34 é 7:12 é koz su bann késtion la :

• Kèl konsèy util Jézu i donn dan bann vèrsé la ?

• Èske ou pans ke bann konsèy la, lé toujour util zordi ?

6. Jézu la fé bann mirak

Jéova la donn Jézu le pouvoir fé in bonpe mirak. Alon pran in légzanp : lir Mark 5:25-34 oubien gard le VIDÉO. Aprésa, koz su bann késtion ki vien apré.

VIDÉO : Jézu i soign in fam malad (5:10)

• Kosa le madam malad lété sur ?

• Kosa ou trouv inkroiyab dann mirak la ?

Lir Jan 5:36 é koz su késtion la :

• Kosa bann mirak Jézu i « fémont » anou ?

SAK NOU LA APRANN

Jézu la prèch le roiyom Bondieu, li la fé bann mirak, é li la toultan obéi Jéova.

Alon révizé

• Su la tèr, kosa lété le travay le plus inportan ke Jézu la fé ?

• Kosa bann mirak ke Jézu la fé i prouv anou ?

• Kèl leson util Jézu la ansénié ?

GARD SA OSI

Su kosa Jézu la le plus kozé ?

« Le Royaume de Dieu : son importance pour Jésus » (La Tour de Garde, 1^er octobre 2014)

Bann bon rézon pou kroir ke bann mirak Jézu la vréman éspasé.

« Les miracles de Jésus : que vous enseignent-ils ? » (La Tour de Garde, 15 juillet 2004)

In mesieu la chanjé kan li la dékouv ke Jézu té viv rienk pou lé zot.

« Je ne vivais que pour moi » (La Tour de Garde, 1^er octobre 2014)

Bann moman for dan le ministèr Jézu lé prézanté dan lord.

« Principaux évènements de la vie terrestre de Jésus » (La Bible. Traduction du monde nouveau, appendice A7)