BIBLIOTÈK AN LIGN Watchtower
Watchtower
BIBLIOTÈK AN LIGN
Kréol Rénioné
  • BIB
  • PUBLIKASION
  • BANN RÉNION
  • lff loson 30
  • Ou va gingn revoir sak ou ièm !

Okin vidéo lé disponib pou sak ou la séléksioné

Lavé in problèm pou charj le vidéo

  • Ou va gingn revoir sak ou ièm !
  • Viv ereu pou toultan ! (Diskusion biblik vivan)
  • Bann zintèrtit
  • Dokuman ke lé parèy
  • ALON APRANN PLUS
  • SAK NOU LA APRANN
  • GARD SA OSI
  • Nora in rézuréksion !
    Kosa la Bib i ansègn a nou ?
  • « Out frèr va résusité ! »
    La Tour d’Gard i anons Roiyom Jéova (pou létud) 2023
  • Kosa i lé la rézurèksion ?
    Bann késtion la Bib i réponn
Viv ereu pou toultan ! (Diskusion biblik vivan)
lff loson 30
Leson 30. In fami lé vréman kontan retrouv son ti garson ke la résusité.

LESON 30

Ou va gingn revoir sak ou ièm !

Vèrsion inprimé
Vèrsion inprimé
Vèrsion inprimé

Kan nou pèrd in moun, nou néna in bonpe chagrin. La Bib i di ke la mor lé in lènmi (1 Korintien 15:26). Dan le leson 27, nou la vu ke Jéova va fé disparèt la mor. Mé èske li va fé in nafèr pou sak lé déja mor ? Dann leson la, ou va aprann plus su le gayar promès ke Jéova i fé : fé reviv bann miliar d’moun. Banna osi va gingn viv pou toultan, parske Jéova va résusit azot ! Mé èske sa lé vréman posib ? É èske bann mor va résusit dann sièl oubien su la tèr ?

1. Kosa Jéova i ve fé pou sak nou ièm é ke lé mor ?

Jéova lé présé fé reviv bann mor. Job, in mesieu ke lavé in foi for, lété sur ke Bondieu noré pa oubli ali kan li sré mor. Li la di Bondieu : « Ou va aplé, é ma réponn aou [depui la tonm] » (lir Job 14:13-15).

2. Koman nou koné ke bann mor i pe retrouv la vi ?

Kan Jézu lété su la tèr, Bondieu la donn ali le pouvoir résusit bann mor. Jézu la redonn la vi inn ti fiy 12 zan é le garson in veuv (Mark 5:41, 42 ; Luk 7:12-15). In pe d’tan apré, son kamarad Lazar lé mor. Mèm si Lazar lété mor é antéré depui 4 jour, Jézu la redonn ali la vi. Jézu la pri Bondieu, aprésa li la jus kri vèr la tonm : « Lazar, sort deor ! » É « lom ke lavé été mor la sorti », vivan ! (Jan 11:43, 44). Majinn la joi la fami é bann kamarad Lazar !

3. Kèl léspoir néna pou sak nou ièm é ke lé pu la ?

La Bib i promèt : « Nora in rézuréksion » (Akt 24:15). Bann domoun ke Jézu la résusité lété kontan kan zot la retrouv la vi su la tèr. Donk zot la pa parti dann sièl apré zot mor (Jan 3:13). I tard pa, Jézu va résusit bann moun par miliar su la tèr, pou ke zot i viv pou toultan dann in paradi. Li la di ke « tout sak lé dan bann tonm » i sra résusité — mèm sak nou la oublié, parske zot lé dan la mémoir Bondieu (Jan 5:28, 29).

ALON APRANN PLUS

Alon étudié bann preuv dan la Bib, ke bann mor i pe èt résusité. É alon koz su léspoir é le rékonfor ke bann promès su la rézuréksion i donn anou.

Bann domoun lé vréman kontan, kan zot i voi Jézu résusit Lazar. Zot i karkiy zot zieu.

4. Jézu la prouvé ke li gingn résusit bann mor

Alon voir plus an détay, sak Jézu la fé pou son kamarad Lazar. Lir Jan 11:14, 38-44 é koz su bann késtion la :

  • Kosa i prouv ke Lazar lété vréman mor ? (gard le vèrsé 39).

  • Si, apré son mor, Lazar lavé mont dann sièl, èske ou pans ke Jézu noré fors ali pou revni su la tèr ?

Gard le VIDÉO.

VIDÉO : Jézu i résusit Lazar (1:16)

5. Bann miliar d’moun i sra résusité !

Lir Psom 37:29 é koz su késtion la :

  • Ousa bann résusité va viv ?

Jézu va pa résusit rienk sak la ador Jéova. Lir Akt 24:15 é koz su késtion la :

  • Kisa ou ièmré voir retrouv la vi ?

In papa i révèy dousman son ti garson ke la pou dormi.

Jézu i pe résusit in moun, kom in papa i pe fasilman révèy son zanfan ke la pou dormi.

6. La rézuréksion i pe donn aou in léspoir é i pe rékonfort aou

In bonpe d’moun ke lé an deuy la trouv konsolasion é lankourajman, kan zot la lir le zistoir la rézuréksion le fiy Jair. Lir se vré zistoir dann Luk 8:40-42, 49-56.

Avan résusit le ti fiy, Jézu la di èk le papa : « Pa bezoin ou la peur, mont out foi seulman » (gard le vèrsé 50). Koman léspoir la rézuréksion i pe èd aou...

  • si in moun ke ou ièm i mor ?

  • si out vi lé an danjé ?

Gard le VIDÉO é koz su le késtion ki vien apré.

VIDÉO : Léspérans la rézuréksion i donn anou kouraj (3:21)

Montaj : Bann zimaj le vidéo « Léspérans la rézuréksion i donn anou kouraj ». 1. Dan in rénion lasanblé, in seur i konsol Veronica, le lannmin la mor Phelicity. 2. Veronica èk son fiy i konsol in madam avèk la Bib.
  • Koman léspérans la rézuréksion la rékonfort é la ankouraj bann paran Phelicity ?

NADFOI DOMOUN I DI : « La rézuréksion, sa i fé dor domoun debout. »

  • Kosa ou pans de sa ?

  • Kèl vèrsé ou pouré utilizé, pou montré ke nora in rézuréksion ?

SAK NOU LA APRANN

La Bib i promèt ke bann mor par miliar i sra résusité. Jéova i ve ke banna i reviv, é li la donn Jézu le pouvoir redonn banna la vi.

Alon révizé

  • Kosa Jéova é Jézu i resan, kan zot i majinn redonn la vi sak lé mor ?

  • Ousa bann miliar résusité va viv, dann sièl oubien su la tèr ? Poukosa ou di sa ?

  • Poukosa ou lé sur ke bann moun ke ou ièm, va gingn reviv ?

Sak mi doi fé

GARD SA OSI

Bann zidé pratik pou suport in deuy.

« Quand on perd quelqu’un qu’on aime » (Réveillez-vous ! no 3 2018)

Èske bann prinsip la Bib i pe vréman èd in moun ke lé an deuy ?

Kan in moun ke nou ièm i mor (5:06)

Koman bann zanfan i pe surmont la mor in moun ke zot i ièm ?

La ranson (2:07)

Èske désèrtin zumin i sra résusité dann sièl ? Kisa i sra pa résusité ?

« Qu’est-ce que la résurrection ? » (lartik jw.org)

    Publikasion kréol rénioné (2014-2025)
    Tap tèr la pou sort la d'su
    Tap tèr la pou fé konèt a ou
    • Kréol Rénioné
    • Anvoy pou in moun
    • Fé out choi
    • Copyright © 2025 Watch Tower Bible and Tract Society of Pennsylvania
    • Kondision pou utilizé
    • Règ konfidansialité
    • réglaj konfidansialité
    • JW.ORG
    • Tap tèr la pou fé konèt a ou
    Anvoy pou in moun